ദോഹ: ഖത്തർ ഫൗണ്ടേഷന്റെ (ക്യുഎഫ്) ഖത്തർ കരിയർ ഡെവലപ്‌മെന്റ് സെന്റർ (ക്യുസിഡിസി)സംഘടി പ്പിച്ച തൊഴിൽ നിഴൽ സംരംഭമായ മൈ കരിയർ - മൈ ഫ്യൂച്ചറിന്റെ ഏഴാം പതിപ്പിന് ഉജ്വല സമാപനം. എഡ്യൂക്കേഷൻ സിറ്റി സ്റ്റുഡന്റ് സെന്ററിലെമുൾട്ടാക്കയിൽനടന്ന പരിപാടിയിൽ
250-ലധികം വിദ്യാർത്ഥികൾ പങ്കെടുത്തു.അഞ്ച് ദിവസങ്ങളിലായിനടന്ന പരിപാടിയിൽ മെഡിസിൻ, വ്യോമയാനം, ജുഡീഷ്യറി, ടൂറിസം, എഞ്ചിനീയറിംഗ് തുടങ്ങി നിരവധി മേഖലകളിലായിവിവിധ വിഷയങ്ങളിൽ സംവാദങ്ങളും മൊട്ടിവേഷൻ പ്രഭാഷണങ്ങളും നടന്നു.
അറിവുള്ളവരും ആത്മവിശ്വാസമുള്ളവരും പൊരുത്തപ്പെടാൻ കഴിവുള്ളവരുമായ യുവാക്കളെ രൂപപ്പെടുത്തുന്നതിൽ ആദ്യകാല കരിയർ എക്സ്പോഷറിന്റെയും പ്രായോഗിക അനുഭവത്തിന്റെയും സ്വാധീനത്തിലുള്ള ഞങ്ങളുടെ ആഴത്തിലുള്ള വിശ്വാസമാണ് ഈ സംരംഭം പ്രതിഫലിപ്പിക്കുന്നതെന്ന്
ക്യുസിഡിസി എക്സിക്യൂട്ടീവ് ഡയറക്ടർ സാദ് അബ്ദുല്ല അൽ-ഖർജി പറഞ്ഞു.
ക്യുഎഫ് ചീഫ് എക്സിക്യൂട്ടീവ് ഓഫീസർ (സിഇഒ) യൂസിഫ് എ. അൽ-നാമയുടെ നേതൃത്വത്തിലുള്ള ക്യുഎഫ് മുതിർന്ന ഉദ്യോഗസ്ഥരും ക്യുസിഡിസിയുടെയും പങ്കാളി സംഘടനകളുടെയും പ്രതിനിധികളും ചടങ്ങിൽപങ്കെടുത്തു.
