ദോഹ:ഇന്ത്യ–ഖത്തർ ബന്ധം പുതിയ ഉയരങ്ങളിലേക്ക്.പുതിയ സഹകരണ സാധ്യതകൾക്ക് ഖത്തർ അമീർ നൽകിയ മാർഗ്ഗനിർദ്ദേശം വിലമതിക്കാനാകാത്തതാണെന്ന് വിദേശകാര്യമന്ത്രി ഡോ: എസ്.ജയശങ്കർ.ഔദ്യോഗിക സന്ദർശനത്തിനായി ഖത്തറിൽ എത്തിയ കേന്ദ്രവിദേശകാര്യമന്ത്രി ഖത്തർ അമീർഷെയ്ഖ് തമീം ബിൻ ഹമദ് അൽഥാനിയുമായി നടത്തിയകൂടികാഴ്ച്ചയ്ക്കുശേഷം സംസാരിക്കുകയായിരുന്നു.കൂടിക്കാഴ്ചയിൽ
മദ്ധ്യപൂർവ/വെസ്റ്റ് ഏഷ്യയിലെ രാഷ്ട്രീയ സാഹചര്യങ്ങൾ മുതൽ ആഗോള വിഷയങ്ങൾ വരെയുള്ള വിവിധ വിഷയങ്ങളിലും നേതാക്കൾ വിസ്തൃതമായ ആശയവിനിമയം നടത്തി.
ഊർജ്ജം, വ്യാപാരം, നിക്ഷേപം, ജനതകളുടെ പരസ്പര ബന്ധം എന്നിവ ഉൾപ്പെടെയുള്ള തന്ത്രപ്രധാന പങ്കാളിത്തത്തിന്റെ മുഖ്യ മേഖലകൾ ഇരുപക്ഷവും വിശകലനം ചെയ്തു.
ഖത്തർ പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിൻ അബ്ദുൽറഹ്മാൻ അൽഥാനിയുമായി സൗഹൃദപരമായ സംഭാഷണം നടത്തി.ഖത്തറിലെ ഇന്ത്യൻ അംബാസിഡർ വിപുലും കൂടിക്കാഴ്ചയിൽ സാന്നിധ്യം വഹിച്ചു.
ഇന്ത്യയുടെ വിദേശകാര്യ മന്ത്രാലയത്തിന്റെ കണക്കുകൾ പ്രകാരം.
2023–24 കാലയളവിൽ ഇന്ത്യ–ഖത്തർ വ്യാപാരം 14.08 ബില്യൺ ഡോളറാണ്.
