ദോഹ: സ്വർണവും വെള്ളിയുമുൾപ്പെടെ
വിലപ്പെട്ട ലോഹങ്ങളുടെ ഇറക്കുമതി പ്രക്രിയ കൂടുതൽ സുഗമമാക്കുന്നതിനായി ഖത്തർ ചേംബർ ഗോൾഡ് ആൻഡ് ജുവലറി കമ്മിറ്റി ചേംബർ ഹെഡ്ക്വാർട്ടേഴ്‌സിൽ യോഗം ചേർന്നു. ചംബർ ബോർഡ് അംഗവും കമ്മിറ്റി ചെയർമാനുമായ നാസ്സർ ബിൻ സുലൈമാൻ അൽ ഹൈദർ അധ്യക്ഷനായ യോഗത്തിൽ, ജനറൽ അതോറിറ്റി ഓഫ് കസ്റ്റംസിന്റെ പ്രതിനിധികളും കമ്മിറ്റി അംഗങ്ങളും പങ്കെടുത്തു.
സ്വർണം, വെള്ളി, ആഭരണങ്ങൾ തുടങ്ങിയ വിലപ്പെട്ട ലോഹങ്ങളുടെ ഇറക്കുമതി സംബന്ധിച്ച അംഗങ്ങളുടെ സംശയങ്ങൾക്ക് മറുപടി നൽകുകയും, നിലവിലുള്ള ഇറക്കുമതി നടപടിക്രമങ്ങളും വ്യവസായം നേരിടുന്ന വെല്ലുവിളികളും കസ്റ്റംസ് അതോറിറ്റി വിശദീകരിക്കുകയും ചെയ്തു.സ്വകാര്യ മേഖലയും കസ്റ്റംസും തമ്മിലുള്ള സഹകരണം ശക്തിപ്പെടുത്തി, ഇറക്കുമതി നടപടികൾ ലളിതമാക്കി, ഖത്തറിലെ സ്വർണക്കച്ചവടവും ആഭരണ വ്യവസായവും കൂടുതൽ വളർച്ച നേടുന്നതിന് സഹായിക്കുകയെന്നതാണ് യോഗത്തിന്റെ പ്രധാന ലക്ഷ്യം.
