ദോഹ:ഭീകരതയ്‌ക്കെതിരായ ഇന്ത്യയുടെ പ്രതിബദ്ധതയെ ഖത്തർ പിന്തുണയ്ക്കുന്നതായി
സർവകക്ഷി പ്രതിനിധിസംഘം.നാഷണലിസ്റ്റ് കോൺഗ്രസ് പാർട്ടി (ശരദ്ചന്ദ്ര പവാർ) എംപി സുപ്രിയ സുലെയുടെ നേതൃത്വത്തിൽ ഖത്തറിൽ എത്തിയ സംഘം ഖത്തർ മന്തിമാരും നയതന്ത്ര ഉദ്യോഗസ്ഥരും, ശൂറകൗൺസിലുമായും നടത്തിയ കൂടിക്കാഴ്ചയ്ക്ക് ശേഷം മാധ്യമപ്രതിനിധികളുമായി നടത്തിയ മുഖാമുഖത്തിൽ സംസാരിക്കുകയായിരുന്നു
സർവ്വകകക്ഷി പ്രതിനിധിസംഘം.സന്ദർശനം "വിജയകരമായിരുന്നു" എന്ന് വിശേഷിപ്പിച്ച ഇന്ത്യൻ പ്രതിനിധി സംഘം ഖത്തർ ഭരണകൂടത്തിന്റെ ആതിഥ്യത്തെ പ്രശംസിച്ചു.
ഇന്ത്യയും ഖത്തറും തമ്മിലുള്ള ദീർഘകാല ബന്ധത്തിന് ഖത്തർ സർക്കാർ പ്രതിജ്ഞാബദ്ധമാണ്, തീവ്രവാദത്തിനെതിരെ യാതൊരു സഹിഷ്ണുതയും കാണിക്കില്ലെന്ന് അവർ ഞങ്ങൾക്ക് വാഗ്ദാനം ചെയ്യുകയും ഉറപ്പുനൽകുകയും ചെയ്തിട്ടുണ്ട്. ഈ യാത്രയിലുടനീളം, ഞങ്ങൾ നടത്തിയ എല്ലാ മീറ്റിംഗുകളിലും, പൂർണ്ണമായും ഐക്യത്തോടെ നിൽക്കുമെന്നും ലോകത്തെവിടെയുമുള്ള ഏത് ഭീകരാക്രമണത്തെയും ഖത്തറും ഇന്ത്യയും ഐക്യത്തോടെ നിൽക്കുമെന്നും മനുഷ്യജീവന്, പ്രത്യേകിച്ച് നമ്മുടെ നിരപരാധികളായ പൗരന്മാർക്ക് നേരെയുള്ള ഒരു ഭീകരാക്രമണത്തെയും ഞങ്ങൾ എതിർക്കും, ഞങ്ങൾ അനുവദിക്കില്ല", സുപ്രിയ സുലെ പറഞ്ഞു.
എല്ലാ ചർച്ചകളിലും, ഖത്തറും ഇന്ത്യയും തമ്മിലുള്ള ബന്ധം, സൗഹൃദം, വിശ്വാസം, ബന്ധം എന്നിവ മുൻകാലങ്ങളിൽ മാത്രമല്ല, വരും ദശകങ്ങളിലും അവർ ആവർത്തിച്ചു.
പഹൽഗാം ഭീകരാക്രമണം, ഓപ്പറേഷൻ സിന്ദൂർ, ഭീകരതയ്‌ക്കെതിരായ എന്നിവയെക്കുറിച്ചുള്ള ഇന്ത്യയുടെ കാഴ്ചപ്പാടുകൾ എന്നിവ പങ്കുവച്ചു.ദോഹ ഷെറാട്ടൻ ഹോട്ടലിൽ നടന്ന മുഖാ മുഖത്തിൽ മുൻവിദേശകാര്യസഹമന്ത്രി വി മുരളീധരൻ, ബിജെപി എംപി രാജീവ് പ്രതാപ് റൂഡി, എഎപി എംപി വിക്രംജീത്ത് സിംഗ് സഹ്നേയ്, എംപിമാരായ മനീഷ് തിവാരി, അനുരാഗ് സിംഗ് താക്കൂര്‍, ലവൂ ശ്രീകൃഷ്ണ ദേവരായലൂ, ആനന്ദ് ശര്‍മ, സയ്യിദ് അക്ബദറുദ്ദീന്‍ എന്നിവരടങ്ങിയ സംഘത്തോടോപ്പംഇന്ത്യൻ അംബാസിഡർ വിപുൽ,
ഇന്ത്യൻ എംബസി കോൺസുലാർ (പൊളിറ്റികൽ ആന്റ് ഇൻഫർമേഷൻ)ഗ്യാൻവീർ സിങ്എന്നിവരും
സാന്നിധ്യം വഹിച്ചു.
