ദോഹ: ഖത്തറിലെ സ്വകാര്യ സ്കൂളുകളുടെയും കിന്റർഗാർട്ടനുകളുടെയും ട്യൂഷൻ ഫീസും മറ്റ് സർവീസ് നിരക്കുകളും നിയന്ത്രിക്കുന്നതിനായി വിദ്യാഭ്യാസ-ഉന്നതവിദ്യാഭ്യാസ മന്ത്രാലയം (MoEHE) പുതിയ 'സ്കൂൾ ഫീസ് നയം 2026' പ്രഖ്യാപിച്ചു. ഫീസ് വർദ്ധനവിന് വ്യക്തമായ മാനദണ്ഡങ്ങൾ നിശ്ചയിക്കുന്ന ഈ നയം 2027-2028 അധ്യയന വർഷം മുതൽ ഔദ്യോഗികമായി പ്രാബല്യത്തിൽ വരും.
വ്യവസ്ഥകളില്ലാത്ത ഫീസ് വർദ്ധനവിൽ നിന്ന് രക്ഷിതാക്കളെ സംരക്ഷിക്കുന്നതിനൊപ്പം സ്വകാര്യ വിദ്യാഭ്യാസ മേഖലയുടെ സുസ്ഥിരതയും വിദ്യാഭ്യാസ നിലവാരവും ഉറപ്പാക്കാനാണ് ഈ പുതിയ പരിഷ്കരണമെന്ന് മന്ത്രാലയം വ്യക്തമാക്കി.
ഫീസ് വർദ്ധനവിനായി സ്കൂളുകൾ വ്യാജ രേഖകളോ തെറ്റായ വിവരങ്ങളോ സമർപ്പിച്ചാൽ കടുത്ത നടപടിയുണ്ടാകും. തുടർച്ചയായി രണ്ട് അധ്യയന വർഷത്തേക്ക് ഫീസ് വർദ്ധനവിനുള്ള അപേക്ഷ നൽകുന്നതിൽ നിന്ന് അത്തരം സ്കൂളുകളെ വിലക്കും. കൂടാതെ നിയമപരമായ മറ്റ് നടപടികളും നേരിടേണ്ടി വരും.
