വ്യോമയാനസഹകരണകരാറിൽ ഒപ്പുവച്ചു
ദോഹ: വ്യോമയാന സഹകരണം വർദ്ധിപ്പിക്കാൻ ഖത്തർ, ഹോണ്ടുറാസ് ധാരണപത്രത്തിൽ ഒപ്പുവച്ചു.ഇരു രാജ്യങ്ങളും സിവിൽ ഏവിയേഷനിലെ ഉഭയകക്ഷി ബന്ധങ്ങളെക്കുറിച്ചും അവമെച്ചപ്പെടുത്തുന്നതിനുള്ളവഴികളെക്കുറിച്ചുമുള്ള ചർച്ചയ്ക്ക്ശേ ഷമാണ്ധാരണാപത്രത്തിൽ ഒപ്പുവെച്ചത്. ഖത്തറും ഹോണ്ടുറാസും പ്രാഥമിക ഓപ്പൺ സ്കൈസ് എയർ സർവീസസ് കരാറിലും യാത്രാ, ചരക്ക് വിമാന സർവീസുകളെക്കുറിച്ചും ഒപ്പുവച്ച ധാരണാപത്രം ഇരു രാജ്യങ്ങളുടെയും വ്യോമയാന പങ്കാളിത്തത്തെ ശക്തിപ്പെടുത്തും. ഖത്തർ സിവിൽ ഏവിയേഷൻ അതോറിറ്റിയുടെ മാനേജിംഗ് ചുമതലയുള്ള മുഹമ്മദ് അൽ ഹജ്രിയും ഹോണ്ടുറാസ് സിവിൽ ഏവിയേഷൻ അതോറിറ്റിയുടെ എക്സിക്യൂട്ടീവ് ഡയറക്ടർ ജെറാർഡോ ഗബ്രിയേൽ റിവേര ഗുയിഫാരോയും ചേർന്നാണ്ഞായറാഴ്ച ദോഹയിൽ നടന്ന ചടങ്ങിൽ ധാരണാപത്രത്തിൽ ഒപ്പുവച്ചത് . കൂടുതൽ ആഗോള ലക്ഷ്യസ്ഥാനങ്ങളിലേക്ക് എത്തുന്നതിനായി ദേശീയ വിമാനക്കമ്പനിയുടെ ലക്ഷ്യസ്ഥാന ശൃംഖല വികസിപ്പിക്കാനും കഴിയുമെന്ന് ഖത്തർ ന്യൂസ് ഏജൻസി (ക്യുഎൻഎ) റിപ്പോർട്ട് ചെയ്തു.
