ദോഹ: സർക്കാർ സേവനങ്ങളോടുള്ള ജനങ്ങളുടെ തൃപ്തി ഖത്തറിൽ 58 ശതമാനത്തിൽ നിന്ന് 86 ശതമാനമായി വർധിച്ചതായി സിവിൽ സർവീസ് ആൻഡ് ഗവൺമെന്റ് ഡെവലപ്മെന്റ് ബ്യൂറോ പ്രസിഡന്റും നാഷണൽ പ്ലാനിങ് കൗൺസിൽ സെക്രട്ടറി ജനറലുമായ ഡോ. അബ്ദുലാസീസ് ബിൻ നാസർ ബിൻ മുബാറക് അൽ ഖലീഫ അറിയിച്ചു.
സോഷ്യൽ ഡെവലപ്മെന്റിനായുള്ള രണ്ടാംലോകസമ്മേളനത്തിന്റെ ഭാഗമായി ദോഹയിൽ നടന്ന “Strengthening Social Dialogue and Participatory Governance” എന്ന സെഷനിൽ സംസാരിക്കുകയായിരുന്നു അദ്ദേഹം. ഭാവിയിൽ ഈ സംതൃപ്തി നിരക്ക് 90 ശതമാനത്തിന് മുകളിലേക്കുയർത്തുകയാണ് ഖത്തറിന്റെ ലക്ഷ്യം എന്നും അദ്ദേഹം പറഞ്ഞു.
അതിനായി “Sharek” എന്ന പുതിയ ഡിജിറ്റൽ പ്ലാറ്റ്ഫോം ഖത്തർ ആരംഭിച്ചതായി അദ്ദേഹം വ്യക്തമാക്കി. ഈ സംവിധാനം മുഖേന ജനങ്ങൾക്ക് സർക്കാർ സേവനങ്ങളും ഉദ്യോഗസ്ഥരുടെയും പ്രവർത്തനവും വിലയിരുത്താൻ സാധിക്കും. ഇത് തെളിവുതത്വവും ഉത്തരവാദിത്വവും ഉറപ്പാക്കുന്ന നവീന സംരംഭമായാണ് ഖത്തർ പരിഗണിക്കുന്നത്.
