കൊച്ചി: ഭാരതീയ ദലിത് കോൺഗ്രസ്സ് എറണാകുളം ജില്ലാ കമ്മറ്റിയുടെ ആഭിമുഖ്യത്തിൽ ഡി.സി.സി ഓഡിറ്റോറിയത്തിൽ സംഘടിപ്പിച്ച 134-ാമത് അബേദ്കർ ജന്മദിന ആഘോഷങ്ങളുടെ ഉൽഘാടന കർമ്മം ഡി.സി.സി പ്രസിഡൻ്റ് ശ്രീ. മുഹമ്മദ് ഷിയാസ് നിർവ്വഹിച്ചു. രാജ്യം അതിഗുരുതരമായ ജാതിവിവേചനത്തിൻ്റേയും വർഗ്ഗീയ ധ്രുവീകരണത്തിൻ്റേയും പിടിയിലമരുന്ന ഈ കാലഘട്ടത്തിൽ അംബേദ്കർ ദർശ്ശനങ്ങളുടെ പ്രചാരണം കാലഘട്ടത്തിൻ്റെ ആവശ്യമാണെന്ന് ജന്മദിന സന്ദേശത്തിൽ ശ്രീ മുഹമ്മദ് ഷിയാസ് പറഞ്ഞു. ദലിത് കോൺഗ്രസ്സ് ജില്ലാ പ്രസിഡൻ്റ് ശ്രീ. എൻ.കെ. അനിൽകുമാർ അദ്ധ്യക്ഷതവഹിച്ച യോഗത്തിൽ ' ലോയേഴ് കോൺഗ്രസ്സ് സംസ്ഥാന പ്രസിഡൻ്റ് അഡ്വ : പി.കെ. അബ്ദുൾ റഹിമാൻ മുഖ്യ പ്രഭാഷണം നടത്തി. ചടങ്ങിൽ, സി.എ.ജി.മുൻ ഉന്നത ഉദ്യോഗസ്ഥൻ ഹേംരാജ് ദിവാകർ , ശ്രീമതി. രജനി ദിവാകർ മുഖ്യ അഥിധികളായിരുന്നു. ഡി.സി.സി ജനറൽ സെക്രട്ടി സേവ്യർതായങ്കരി , വി.കെ. തങ്കരാജ്, ടി.എ. സുബ്രമണ്യൻ, ടി.കെ. പ്രഭാകരൻ , നോർമൻ ജോസഫ് ' , കെ.കെ. സുരേഷ് ബാബു , സി.സി. ചന്ദ്രൻ , എൻ.കെ. ശിവദാസ് എന്നിവർ പ്രസംഗിച്ചു
