കൊച്ചി : സഭ നിയമങ്ങൾ ധിക്കരിച്ചും, വെല്ലുവിളിച്ചും സഭ പ്രബോധനങ്ങൾ അനുസരിക്കാതെ മുന്നോട്ട് പോകുന്ന ഫാ. അഗസ്റ്റിൻ വട്ടോളി ഉൾപ്പെടെയുള്ളവരെ സീറോ മലബാർ സഭയിൽ നിന്ന് ഉടൻ പുറത്താക്കണമെന്ന് കാത്തലിക്ക് നസ്രാണി അസോസിയേഷൻ.ഇദ്ദേഹത്തെ വൈദീക വൃത്തിയിൽ നിന്ന് പുറത്താക്കാത്ത പക്ഷം സംരക്ഷണം നൽകാൻ സഭ നേതൃത്വം തയ്യാറായാൽ വിശ്വാസികളെ അണിനിരത്തി ഇതിനെ ശക്തമായി നേരിടുമെന്ന് സി എൻ എ മുന്നറിയിപ്പ് നൽകി.
ബിഷപ്പ് ഹൗസിന് മുന്നിൽ ഈ വിമത വൈദികൻ മാസങ്ങൾക്ക് മുൻപ് നടത്തിയ വികലവും വികൃതവുമായ സഭവിരുദ്ധ പ്രസംഗം വിശ്വാസികളിൽ അന്ന് വലിയ പ്രതിഷേധമാണ് സൃഷ്ടിച്ചത്. അന്ന് അദ്ധേഹം നടത്തിയ പരമാർശം നിമിത്തം സിറോ മലബാർ സഭയിൽ നിന്നും പുറത്താക്കുവാൻ സഭ നേതൃത്വംകൈകൊള്ളേണ്ടതായിരുന്നു.ഷെഡ്യൂൾ സമയങ്ങളിൽ പള്ളികളിൽ ഏകീകൃത കുർബാന അർപ്പിക്കാതെ പോരുന്നവൈദികർക്കെതിരെ സഭ നേതൃത്വം കടുത്ത ശിക്ഷ നടപടിയിലേക്ക് പ്രവേശിക്കണം.ഇക്കാര്യങ്ങൾ മറ്റും വിശദമായിചർച്ച ചെയ്യുന്നതിനുമായി ഈ വരുന്ന സെപ്റ്റംബർ 16 ന് ഉച്ച കഴിഞ്ഞ് 2 മണിക്ക് അങ്കമാലിയിൽ വിപുലമായ കാത്തലിക്ക് നസ്രാണി അസോസിയേഷൻ ഉന്നതാധികാര സമിതി നേതൃയോഗം കൂടുമെന്ന് ചെയർമാൻ ഡോ. എം.പി. ജോർജ് അറിയിച്ചു.
