NEWS
അക്കൗണ്ടിൽ വൻതുക എത്തിയെന്ന ഒറ്റക്കാരണത്താൽ പൊലീസ് അന്വേഷണം പാടില്ല: കേരള ഹൈക്കോടതി
17/11/2026 07:48 AM IST
നിയമകാര്യലേഖകൻ

കൊച്ചി: ബാങ്ക് അക്കൗണ്ടിലെ മരവിപ്പിക്കൽ നീക്കണമെന്ന ഹർജി പരിഗണിക്കുമ്പോൾ, അക്കൗണ്ടിലേക്ക് വലിയ തുകകൾ വരവുവെച്ചുവെന്ന കാരണത്താൽ മാത്രം ഹർജിക്കാരനെതിരെ കോടതിക്ക് സ്വമേധയാ പൊലീസ് അന്വേഷണത്തിന് ഉത്തരവിടാനാവില്ലെന്ന് കേരള ഹൈക്കോടതി വ്യക്തമാക്കി.
പൊലീസ് അന്വേഷണത്തിന് നിർദേശം നൽകിയ സിംഗിൾ ബെഞ്ചിന്റെ ഉത്തരവിനെതിരെ സമർപ്പിച്ച അപ്പീൽ പരിഗണിക്കവേയാണ് ജസ്റ്റിസ് ദേവൻ രാമചന്ദ്രനും ജസ്റ്റിസ് ബസന്ത് ബാലാജിയും ഉൾപ്പെട്ട ഡിവിഷൻ ബെഞ്ചിന്റെ നിരീക്ഷണം.
അക്കൗണ്ട് മരവിപ്പിച്ച നടപടി ചോദ്യം ചെയ്ത് കോടതിയെ സമീപിച്ച വ്യക്തിക്കെതിരെ അന്വേഷണം നിർദേശിക്കാൻ, അക്കൗണ്ടിൽ വരവുവെച്ച തുകയുടെ വലിപ്പം മാത്രം മതിയായ കാരണമാകില്ലെന്നാണ് കോടതി വ്യക്തമാക്കിയത്.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.










