പാലക്കാട് :രാഹുൽ മാങ്കൂട്ടത്തിൽ വിഷയത്തിൽ മുൻകൂർ ജാമ്യഹർജി ബുധനാഴ്ച പരിഗണിക്കും.
​ ലൈംഗിക പീഡന പരാതിയെ തുടർന്ന് ഒളിവിൽ പോയ രാഹുൽ മാങ്കൂട്ടത്തിൽ എം.എൽ.എയ്ക്കായുള്ള അന്വേഷണം പൊലീസ് ഊർജ്ജിതമാക്കി.
​ രാഹുലുമായി ബന്ധപ്പെടാൻ സാധ്യതയുള്ള വ്യക്തികളെയും കേന്ദ്രങ്ങളെയും പൊലീസ് നിരീക്ഷിക്കുന്നു.
​ ഫോൺ കുറച്ചുനേരം ഓൺ ആയപ്പോൾ പാലക്കാട് ടവർ ലൊക്കേഷനാണ് കാണിച്ചതെങ്കിലും, ഇത് പൊലീസിനെ കബളിപ്പിക്കാനുള്ള നീക്കമാകാം എന്നും തിരുവനന്തപുരത്തേക്കോ മറ്റു കേന്ദ്രങ്ങളിലേക്കോ മാറിയിട്ടുണ്ടാകാം എന്നും സംശയിക്കുന്നു.ഇന്നോവ ക്രിസ്റ്റ ഫ്‌ളാറ്റിലുണ്ട്, മറ്റൊരു കാറിലാണ് തിരുവനന്തപുരത്തേക്ക് പോയത്. സന്തത സഹചാരിയായ ഒരു പേഴ്സണൽ സ്റ്റാഫ് ഒപ്പമുണ്ടെന്നാണ് സൂചന.
​മുൻകൂർ ജാമ്യം: രാഹുൽ നൽകിയ മുൻകൂർ ജാമ്യഹർജി തിരുവനന്തപുരം പ്രിൻസിപ്പൽ സെഷൻസ് കോടതി ബുധനാഴ്ച പരിഗണിക്കും. സംസ്ഥാനത്തിന് പുറത്തേക്ക് കടന്നാൽ ജാമ്യത്തെ ബാധിക്കുമെന്ന നിയമോപദേശത്തെ തുടർന്നാണ് ഒളിവിലിരിക്കുന്നത് എന്നും റിപ്പോർട്ട്.
​പൊലീസ് പുറത്തിറക്കിയ ലുക്ക് ഔട്ട് നോട്ടീസ് പൊതുസ്ഥലങ്ങളിൽ പതിപ്പിച്ച് എസ്.എഫ്.ഐ പ്രതിഷേധിച്ചു.
​രാഹുലിന് തെറ്റ് പറ്റി: കെ. സുധാകരൻ
​മുൻ കെ.പി.സി.സി പ്രസിഡന്റ് കെ. സുധാകരൻ രാഹുൽ മാങ്കൂട്ടത്തിലിനെ ന്യായീകരിച്ച പ്രസ്താവന തിരുത്തി.
​"രാഹുലിന് തെറ്റ് പറ്റിയെ‌ന്നത് ശരിയാണ്. എങ്കിലും, രാഷ്ട്രീയ ജീവിതം അവസാനിപ്പിക്കേണ്ടെന്നാണ് താൻ പറഞ്ഞത്. തെറ്റ് ചെയ്തിട്ടുണ്ടെങ്കിൽ നടപടി തുടരട്ടെ."
​സുധാകരൻ, ഉണ്ണിത്താന്റെ മറുപടിയോട് പ്രതികരിക്കാൻ വിസമ്മതിക്കുകയും അദ്ദേഹത്തെ വിമർശിക്കുകയും ചെയ്തു.