പിഎൻബി ജിഎം (പിആർ&സിസിഡി) ദീപക് കുമാർ, പിഎൻബി ഇഡി ഡി. സുരേന്ദ്രൻ, മുഖ്യാതിഥി മേജർ ഡോ. സുരേന്ദ്ര പൂനിയ വിഎസ്എം, പിഎൻബി എംഡി & സിഇഒ അശോക് ചന്ദ്ര, പിഎൻബി ഇഡി ശ്രീ ബിഭു പി. മഹാപത്ര എന്നിവർ പിഎൻബി സോൾജർതോൺ 2026-ൻ്റെ ഉദ്ഘാടന വേളയിൽ.
ന്യൂഡൽഹി: പൊതുമേഖലാ ബാങ്കായ പഞ്ചാബ് നാഷണൽ ബാങ്ക് (പിഎൻബി), തങ്ങളുടെ 132-ാം സ്ഥാപകദിനാഘോഷങ്ങളുടെ ഭാഗമായി ‘പിഎൻബി സോൾജർതോൺ 2026’ പ്രഖ്യാപിച്ചു. ദ്വാരകയിലെ പിഎൻബി കോർപ്പറേറ്റ് ഓഫീസിൽ നടന്ന പ്രീ-ലോഞ്ച് ചടങ്ങോടെയാണ് രണ്ടാം പതിപ്പായ ഈ ഹാഫ് മാരത്തോണിൻ്റെ ഔദ്യോഗിക തുടക്കം.
ഇന്ത്യൻ സായുധസേനയെ ആദരിക്കുകയും ആരോഗ്യവും ഫിറ്റ്നസും ദേശീയ അഭിമാനവും പ്രോത്സാഹിപ്പിക്കുകയും ചെയ്യുന്ന ‘റൺ വിത്ത് സോൾജിയേർസ്, റൺ ഫോർ സോൾജിയേർസ്’ എന്ന ആശയത്തിലാണ് സോൾജർതോൺ 2026 സംഘടിപ്പിക്കുന്നത്. 2026 ഏപ്രിൽ 5-നാണ് മത്സരം.
ഇന്ത്യൻ ആർമിയുടെ മുൻ സ്പെഷ്യൽ ഫോഴ്സ് ഓഫീസറും ലിംകാ ബുക്ക് റെക്കോർഡ് ജേതാവുമായ മേജർ ഡോ. സുരേന്ദ്ര പൂനിയ ചടങ്ങിൽ മുഖ്യാതിഥിയായിരുന്നു. പിഎൻബി എംഡി & സിഇഒ അശോക് ചന്ദ്ര, എക്സിക്യൂട്ടീവ് ഡയറക്ടർമാർ, മുതിർന്ന ബാങ്ക് ഉദ്യോഗസ്ഥർ, സൈനിക-വെറ്ററൻ സമൂഹ പ്രതിനിധികൾ എന്നിവർ പങ്കെടുത്തു.
സോൾജർതോൺ 2026-ൻ്റെ ഔദ്യോഗിക നാമം, തീം, ടി-ഷർട്ട്, മെഡൽ എന്നിവ ചടങ്ങിൽ പ്രകാശനം ചെയ്തു. പിഎൻബി ഹാഫ് മാരത്തോൺ 2025-ൻ്റെ ഹൈലൈറ്റുകൾ അടങ്ങിയ ഷോർട്ട് ഫിലിമും പ്രദർശിപ്പിച്ചു.
Photo Courtesy - Google
