കൊച്ചി:​രാഷ്ട്രീയ കേരളത്തെ പിടിച്ചുലച്ചുകൊണ്ട് സി.എം.ആർ.എൽ-എക്സാലോജിക് മാസപ്പടിക്കേസിൽ പ്രതിപക്ഷ നേതാവും മുൻ മുഖ്യമന്ത്രിയുമായ പിണറായി വിജയന് എൻഫോഴ്സ്മെന്റ് ഡയറക്ടറേറ്റിന്റെ (ഇ.ഡി) സമൻസ്. കേസിൽ ചോദ്യം ചെയ്യലിനായി ഈ മാസം 23-ന് രാവിലെ 11 മണിക്ക് കൊച്ചി കടവന്ത്രയിലെ ഇ.ഡി ഓഫീസിൽ നേരിട്ട് ഹാജരാകാനാണ് കർശന നിർദ്ദേശം നൽകിയിരിക്കുന്നത്. വിജിലൻസ് എഫ്.ഐ.ആറിന് പിന്നാലെ കേന്ദ്ര ഏജൻസിയും നേരിട്ട് രംഗത്തിറങ്ങിയത് സി.പി.എമ്മിനെ കടുത്ത പ്രതിരോധത്തിലാക്കിയിട്ടുണ്ട്.പ്രതിസ്ഥാനത്ത് ഒന്നാം പ്രതി. കള്ളപ്പണ നിരോധന നിയമപ്രകാരം (പി.എം.എൽ.എ) രജിസ്റ്റർ ചെയ്ത ഇ.സി.ഐ.ആർ കേസിലാണ് പിണറായി വിജയനെ ഒന്നാം പ്രതിയാക്കിയിരിക്കുന്നത്. മകൾ ടി. വീണയും കേസിൽ പ്രതിയാണ്.  
 എക്സാലോജിക് കമ്പനിക്ക് സി.എം.ആർ.എൽ നൽകിയ കോടികളുടെ തുക യാതൊരു സേവനവുമില്ലാതെ വീണ കൈപ്പറ്റിയതാണെന്നും, അത് മുഖ്യമന്ത്രിയായിരിക്കെ പിണറായി വിജയന് ലഭിച്ച കൈക്കൂലിയാണെന്നുമാണ് ഇ.ഡിയുടെ ശക്തമായ കണ്ടെത്തൽ.  
 ഇ.ഡി സമൻസിനു പുറമെ അറസ്റ്റ് ഭയന്ന് പിണറായി വിജയനും കുടുംബവും സുപ്രീംകോടതിയിൽ അടിയന്തര ഹർജി സമർപ്പിച്ചിട്ടുണ്ട്. ഹർജി പരിഗണിക്കാൻ പ്രത്യേക അവധിക്കാല ബെഞ്ച് രൂപീകരിക്കുന്നത് കോടതിയുടെ പരിഗണനയിലാണ്.  
​കേന്ദ്ര-സംസ്ഥാന ഏജൻസികളുടെ കൂട്ടായ അന്വേഷണം: ഇ.ഡിക്ക് പുറമെ എസ്.എഫ്.ഐ.ഒ, ആദായ നികുതി വകുപ്പ് എന്നിവയുടെ രേഖകൾ തേടി വിജിലൻസും അന്വേഷണം ശക്തമാക്കിയിരിക്കുകയാണ്.  
​ഈ മാസം 23-ലെ ഇ.ഡി ചോദ്യം ചെയ്യലും, സുപ്രീംകോടതിയിൽ നിന്നുള്ള നിയമപരമായ നീക്കങ്ങളും കേരള രാഷ്ട്രീയത്തിൽ അതിനിർണായക വഴിമാറുമെന്നുറപ്പാണ്.