06:17pm 24 October 2026
NEWS
പിലാത്തറയിൽ നിർത്തിയിട്ട ലോറിയിലേക്ക് ടാങ്കർ ഇടിച്ചു; രണ്ടുപേർക്ക് ദാരുണാന്ത്യം
24/08/2026 07:37 AM IST
nila
കണ്ണൂർ: പിലാത്തറയിൽ നിർത്തിയിട്ട ലോറിയിലേക്ക് ടാങ്കർ ലോറിയിടിച്ചുണ്ടായ അപകടത്തിൽ രണ്ടുപേർ മരിച്ചു. തകരാറിലായ ലോറി അറ്റകുറ്റപ്പണിക്കായി എത്തിയ മെക്കാനിക്കും സഹായിയുമാണ് മരിച്ചത്. ഇടിയുടെ ശക്തിയിൽ ഇരു ലോറികൾക്കും തീപിടിച്ചു.
പുലർച്ചെ 3.30ഓടെയാണ് അപകടമുണ്ടായത്. കണ്ണൂർ–പാപ്പിനിശ്ശേരി വഴി പയ്യന്നൂരിലേക്ക് പോകുന്ന പാതയിൽ റോഡരികിൽ തകരാറിനെ തുടർന്ന് നിർത്തിയിട്ടിരുന്ന ലോറിയിലാണ് ടാങ്കർ ലോറി ഇടിച്ചത്.
അറ്റകുറ്റപ്പണിക്കായി ലോറിയിലെത്തിയ മെക്കാനിക്കും സഹായിയും അപകടത്തിൽപ്പെടുകയായിരുന്നു. ഇടിയുടെ ആഘാതത്തിൽ തീ പടർന്നതോടെ പ്രദേശത്ത് പരിഭ്രാന്തിയുണ്ടായി. അപകടത്തെ തുടർന്ന് റോഡിൽ ഗതാഗത തടസ്സവും നേരിട്ടു.
ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Kannur
