പുത്തൻകാവ് :  സെന്റ് മേരീസ്   ഓർത്തഡോക്സ് കത്തിഡ്രൽ  ഇടവക ദിനത്തോട്  അനുബന്ധിച്ച്  മലങ്കര ഓർത്തഡോക്സ് സഭാ ചെങ്ങന്നൂർ ഭദ്രാസനത്തിലെ  റവ. ഫാ. ഡോ. ഏബ്രഹാം കോശി ഒരുക്കുന്ന ഫിലോബിബ്ലിക്ക - ക്രൈസ്തവ പൈതൃക പ്രദർശനം നവംബർ 30 ഞായറാഴ്ച രാവിലെ 9.30  മുതൽ വൈകിട്ട് 6 വരെ ജി. എം. പി. ഹോളിൽ നടത്തപ്പെടും.
നൂറിലധികം ഭാഷകളിലെ ബൈബിളുകൾ (110 ഭാഷകൾ), അൻപതിൽ അധികം വേദപുസ്തക ഇംഗ്ലീഷ് വിവർത്തനങ്ങൾ, പത്തിലധികം മലയാള വേദപുസ്തക വിവർത്തനങ്ങൾ,  മലയാളത്തിലെ ആദ്യ വിവർത്തനമായ റമ്പാൻ ബൈബിൾ (കായംകുളം ഫീലിപ്പോസ് റമ്പാൻ), ബൈബിൾ കമൻ്ററികളും വിജ്ഞാനകോശങ്ങളും, ബ്രേലി ബൈബിൾ, വിവിധ രാജ്യങ്ങളിലെ നൂറിലധികം വൈവിധ്യമാർന്ന കുരിശുകൾ (ഓർത്തഡോക്സ് കാതോലിക് ആംഗ്ലിക്കൻ), ക്രിസ്തിയ ഐക്കണോഗ്രഫി ചിത്രങ്ങൾ, വി. കന്യകമറിയാമ്മിൻ്റെ വിവിധ രാജ്യങ്ങളിലെ ചിത്രികരണങ്ങൾ, ഓർത്തഡോക്സ് പ്രാർത്ഥനാ ചരടുകൾ, ഈജിപ്തിലെ പേപ്പറസ് ചിത്രങ്ങൾ, തുകൽ എഴുത്തുകൾ, വിവിധ രാജ്യങ്ങളിൽ നിന്നുള്ള കുന്തിരിക്കങ്ങളും സുഗന്ധദ്രവ്യങ്ങളും, വിവിധ സഭകളുടെ ധൂപ കുറ്റിക്കളും പൂജാ പാത്രങ്ങളും,  വിശുദ്ധനാട്ടിലെ ജലവും പാറയും മണ്ണും, വിവിധ രാജ്യങ്ങളിലെ ആയിരത്തിലധികം  ക്രിസ്മസ് ഈസ്റ്റർ സ്റ്റാമ്പുകളും ആദ്യദിന കവറുകളും, ഇന്ത്യ പോസ്റ്റ് ക്രിസ്ത്യൻ സ്റ്റാമ്പുകളും ആദ്യദിന കവറുകളും, ബൈബിൾ നാണയങ്ങൾ, ബൈബിളിലെ മൺപാത്ര മാതൃകകൾ, യഹൂദ പാരമ്പര്യവസ്തുക്കൾ, യഹുദാ ചെപ്പേടുകൾ തുടങ്ങിയ ക്രൈസ്തവ പൈതൃകം വിളിച്ചോതുന്ന അനേകം വസ്തുകൾ ഈ പ്രദർശനത്തിൽ ഒരുക്കിയിരിക്കുന്നു.
22 രാജ്യങ്ങൾ സന്ദർശിച്ച ചെങ്ങന്നൂർ സ്വദേശിയായ ഫാ. ഡോ. ഏബ്രഹാം കോശി കുന്നുംപുറത്തിൻ്റെ സ്വകാര്യ ശേഖരത്തിൽ നിന്നുമാണ് ഈ പ്രദർശനം.
ഇടവക വികാരി ഫാ. ഡോ. തോമസ് വർഗീസ് അമയിൽ സഹവികാരി ഫാ. ജിജോ ജോയി കണ്ണാട്ട്, ട്രസ്റ്റി ടൈറ്റസ് മാത്യൂ സെക്രട്ടറി ബിജു അലക്സാണ്ടർ  എന്നിവർ നേതൃത്വം നൽകും.