ന്യൂഡൽഹി: രാജ്യത്ത് പാസ്‌പോർട്ട് നിരക്കുകൾ കേന്ദ്രസർക്കാർ കുത്തനെ വർദ്ധിപ്പിച്ചു. 14 വർഷത്തിന് ശേഷമാണ് വിദേശകാര്യ മന്ത്രാലയം പാസ്‌പോർട്ട് അപേക്ഷാ ഫീസുകൾ പരിഷ്‌കരിക്കുന്നത്. പുതുക്കിയ നിരക്കുകൾ ജൂലൈ 1 മുതൽ പ്രാബല്യത്തിൽ വരും. 1980ലെ പാസ്‌പോർട്ട് ചട്ടങ്ങളിൽ ഭേദഗതി വരുത്തിയാണ് കേന്ദ്രത്തിന്റെ പുതിയ നടപടി.

​പുതിയ നിരക്കുകൾ പ്രകാരം 18 മുതൽ 60 വയസ്സ് വരെയുള്ളവർക്ക് പുതിയ പാസ്‌പോർട്ടിനും പുതുക്കലിനും (Re-issue) ഇനി കൂടുതൽ തുക നൽകേണ്ടി വരും. സാധാരണ നിരക്കിൽ 36 പേജുള്ള പാസ്‌പോർട്ടിന് നിലവിലെ 1500 രൂപയിൽ നിന്ന് ഫീസ് 2500 രൂപയായി ഉയർത്തി. 10 വർഷമാണ് മുതിർന്നവരുടെ പാസ്‌പോർട്ടിന്റെ കാലാവധി.

​പുതുക്കിയ നിരക്കുകൾ ഒറ്റനോട്ടത്തിൽ (സാധാരണ വിഭാഗം)പാസ്‌പോർട്ട് തരംനിലവിലെ ഫീസ്പുതുക്കിയ ഫീസ്

36 പേജ് (Normal)₹ 1,500₹ 2,500
60 പേജ് (Normal)₹ 2,000₹ 3,500
36 പേജ് (Tatkal)₹ 3,500₹ 5,000

60 പേജ് (Tatkal)₹ 4,000₹ 6,000പാസ്‌പോർട്ട് നഷ്ടപ്പെട്ടാൽ (ഡ്യൂപ്ലിക്കേറ്റിനുള്ള നിരക്ക്)

​നിലവിലുള്ള പാസ്‌പോർട്ട് നഷ്ടപ്പെടുകയോ കേടുപാടുകൾ സംഭവിക്കുകയോ ചെയ്താൽ പുതിയതിന് ഈടാക്കുന്ന നിരക്കും വർദ്ധിപ്പിച്ചിട്ടുണ്ട്:

​36 പേജ്: ₹ 5,000 (തത്കാൽ നിരക്ക്: ₹ 7,500)
​60 പേജ്: ₹ 6,000 (തത്കാൽ നിരക്ക്: ₹ 8,500)

​വിദേശത്തു നിന്നുള്ള അപേക്ഷകർക്ക് (യൂ.എസ് ഡോളറിൽ)

​36 പേജ്: നോർമൽ - 250 USD | തത്കാൽ - 375 USD
​60 പേജ്: നോർമൽ - 300 USD | തത്കാൽ - 425 USD

​മറ്റ് അനുബന്ധ നിരക്കുകൾ

​പാസ്‌പോർട്ടിന് പുറമെ അനുബന്ധ സേവനങ്ങൾക്കുള്ള നിരക്കുകളും കൂട്ടിയിട്ടുണ്ട്.

​പോലീസ് ക്ലിയറൻസ് സർട്ടിഫിക്കറ്റ് (PCC), സറണ്ടർ സർട്ടിഫിക്കറ്റ്, ഗ്ലോബൽ എൻട്രി പ്രോഗ്രാം വെരിഫിക്കേഷൻ: ₹ 750 (നിലവിൽ ₹ 500)
​സർട്ടിഫിക്കറ്റ് ഓഫ് ഐഡന്റിറ്റി: ₹ 1,000
​കുട്ടികളുടെ പാസ്‌പോർട്ട് കാലാവധി: കുട്ടികളുടെ പാസ്‌പോർട്ടിന്റെ കാലാവധി 5 വർഷം അല്ലെങ്കിൽ അവർക്ക് 18 വയസ്സ് തികയുന്നത് വരെ (ഏതാണോ ആദ്യം വരുന്നത്) ആയിരിക്കും.