ദോഹ: ഖത്തറിൽ കാറുകളും സമുദ്രോപകരണങ്ങളും ഉൾപ്പെടെയുള്ള വിവിധ വസ്തുക്കളുടെ ഓൺലൈൻ ലേലം പ്രഖ്യാപിച്ചു. സുപ്രീം ജുഡീഷ്യൽ കൗൺസിലും മുനിസിപ്പാലിറ്റി മന്ത്രാലയവും സംയുക്തമായാണ് ഈ ലേലംസംഘടിപ്പിക്കുന്നത്. നവംബർ 9 ന് തിങ്കളാഴ്ച വൈകുന്നേരം 4 മണി മുതൽ 7 മണി വരെയാണ് ലേലം നടക്കുന്നത്. "കോർട്ട് മ്സാദത്ത്" (Court Mzadat) എന്ന മൊബൈൽ ആപ്ലിക്കേഷനിലൂടെ പൂർണ്ണമായും ഓൺലൈനായാണ് ലേലംസംഘടിപ്പിച്ചിരിക്കുന്നത്. വാഹനങ്ങൾ
സമുദ്രോപകരണങ്ങൾ
ട്രെയിലറുകൾ
ജനറേറ്ററുകൾ
പോർട്ടാ ക്യാബിനുകൾ
മോട്ടോർ ബൈക്കുകൾ
ലേലം സംബന്ധിച്ച സാധനങ്ങളുടെ വില ഉൾപ്പെടെയുള്ള കൂടുതൽ വിശദാംശങ്ങൾ "കോർട്ട് മ്സാദത്ത്" ആപ്പിൽ ലഭ്യമാണെന്ന് അധികൃതർ അറിയിച്ചു. ലേലം മാനേജ്‌മെന്റ് നടപടികൾ കൂടുതൽ സുഗമമാക്കുന്നതിനും ഡിജിറ്റൽസംവിധാനങ്ങളുടെ ഉപയോഗം പ്രോത്സാഹിപ്പിക്കുന്നതിനുമാണ് ഈ പുതിയ പദ്ധതി ലക്ഷ്യമിടുന്നത്.
