10:16pm 25 August 2026
NEWS
ഓണം: ദോഹയിലെ ഇന്ത്യൻ എംബസിക്ക് നാളെ അവധി
25/08/2026 07:38 PM IST
nila
ദോഹ: തിരുവോണ ദിനമായ നാളെ (ഓഗസ്റ്റ് 26, ബുധനാഴ്ച) ദോഹയിലെ ഇന്ത്യൻ എംബസിക്ക് അവധിയായിരിക്കുമെന്ന് അധികൃതർ അറിയിച്ചു. എംബസി പുറപ്പെടുവിച്ച വാർത്താക്കുറിപ്പിലാണ് ഇക്കാര്യം വ്യക്തമാക്കിയത്.
എംബസിയുടെ സേവനങ്ങൾ അന്നേദിവസം ലഭ്യമാകില്ലെന്നും, തുടർന്ന് വരുന്ന ദിവസങ്ങളിൽ പതിവുപോലെ സേവനങ്ങൾ പുനരാരംഭിക്കുമെന്നും അറിയിപ്പിൽ പറയുന്നു.
സാധാരണ ദിവസങ്ങളിൽ രാവിലെ 8:00 മുതൽ വൈകീട്ട് 4:30 വരെയാണ് എംബസി പ്രവർത്തിക്കുന്നത്. കോൺസുലാർ വിഭാഗത്തിന്റെ സമയം രാവിലെ 8:00 മുതൽ വൈകീട്ട് 4:15 വരെയാണ്. കേരളത്തിന്റെ ദേശീയോത്സവമായ ഓണം പ്രമാണിച്ച് ഇന്ത്യൻ ഗവൺമെന്റ് ഓഫീസുകൾക്ക് ഔദ്യോഗിക അവധി അനുവദിച്ചതിന്റെ ഭാഗമായാണ് ദോഹയിലെ എംബസിക്കും അവധി പ്രഖ്യാപിച്ചിരിക്കുന്നത്.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
