തിരുവനന്തപുരം: ഇത്തവണത്തെ ഓണം ആഘോഷമാക്കാൻ 6 ലക്ഷം കുടുംബങ്ങൾക്ക് സൗജന്യ ഓണക്കിറ്റ് നൽകാൻ കേരള സർക്കാർ തീരുമാനിച്ചതായി സൂചന. സാമ്പത്തികമായി പിന്നോക്കം നിൽക്കുന്ന കുടുംബങ്ങളെയും വിവിധ ക്ഷേമ സ്ഥാപനങ്ങളിലെ അന്തേവാസികളെയും ഉൾപ്പെടെയുള്ളവർക്കാണ് ഈ ഓണക്കിറ്റ് ലഭ്യമാവുക. ഓണത്തിന് മുന്നോടിയായി കിറ്റുകൾ വിതരണം ചെയ്യാനുള്ള ഒരുക്കങ്ങൾ സിവിൽ സപ്ലൈസ് വകുപ്പ് ആരംഭിച്ചുകഴിഞ്ഞു.
കിറ്റിൽ ഉൾപ്പെടുന്ന സാധനങ്ങൾ:
വെളിച്ചെണ്ണ
മുളകുപൊടി
പഞ്ചസാര
മഞ്ഞൾപ്പൊടി
ചെറുപയർ പരിപ്പ്
മല്ലിപ്പൊടി
സേമിയ പായസം മിക്സ്
തേയില
മിൽമ നെയ്യ്
ചെറുപയർ
കശുവണ്ടിപ്പരിപ്പ്
തുവരപ്പരിപ്പ്
സാമ്പാർപൊടി
ഓണക്കാലത്ത് എല്ലാ കുടുംബങ്ങൾക്കും സന്തോഷത്തോടെ ഓണം ആഘോഷിക്കാൻ കഴിയണം എന്ന ലക്ഷ്യത്തോടെയാണ് സർക്കാർ ഈ പദ്ധതി നടപ്പിലാക്കുന്നത്. കഴിഞ്ഞ വർഷങ്ങളിലും സർക്കാർ ഓണക്കിറ്റുകൾ വിതരണം ചെയ്തിരുന്നു. ഈ വർഷം കൂടുതൽ കുടുംബങ്ങളിലേക്ക് സഹായം എത്തിക്കാനാണ് സർക്കാർ ശ്രമിക്കുന്നത്. കിറ്റ് വിതരണം സംബന്ധിച്ച കൂടുതൽ വിവരങ്ങൾ ഉടൻ തന്നെ സിവിൽ സപ്ലൈസ് വകുപ്പ് പുറത്തു വിട്ടേക്കും
