ഡാകർ:ചെറുപ്പക്കാരായകായികതാരങ്ങൾക്ക്, പ്രത്യേകിച്ച് പെൺകുട്ടികൾക്ക് പുതിയ അവസരങ്ങൾ സൃഷ്ടിക്കുകയെന്ന ലക്ഷ്യത്തോടെ സെനെഗലിലെ ഗുദിയവായി (Guediawaye) നഗരത്തിൽ നിർമ്മിച്ച 'BAL4HER' ബാസ്കറ്റ്ബോൾ കോർട്ട് ഒളിമ്പിക് കൗൺസിൽ ഓഫ് ഏഷ്യ (OCA) പ്രസിഡന്റ് ഷെയ്ഖ് ജൊആൻ ബിൻ ഹമദ് അൽ ഥാനി ഉദ്ഘാടനം ചെയ്തു.
ആഫ്രിക്കയിൽ 'BAL4HER' സംരംഭത്തിന് കീഴിൽ സ്ഥാപിക്കുന്ന ആദ്യത്തെ ബാസ്കറ്റ്ബോൾ കോർട്ടാണിത്. ഖത്തർ ഫൗണ്ടേഷനും (QF) ബാസ്കറ്റ്ബോൾ ആഫ്രിക്ക ലീഗും (BAL) തമ്മിലുള്ള തന്ത്രപ്രധാനമായ പങ്കാളിത്തത്തിന്റെ ഭാഗമായാണ് ഈ കായിക കേന്ദ്രം യാഥാർത്ഥ്യമാക്കിയത്. ആഫ്രിക്കയിലെ കായിക രംഗത്ത് പെൺകുട്ടികളുടെ പങ്കാളിത്തം വർദ്ധിപ്പിക്കാനും കൂടുതൽ കായിക അവസരങ്ങൾ സൃഷ്ടിക്കാനും ഈ പദ്ധതി ഉപകരിക്കും.
സമൂഹത്തെ ശാക്തീകരിക്കുന്നതിൽ കായികരംഗത്തിനുള്ള പ്രാധാന്യം തെളിയിക്കുന്നതാണ് ഈ പങ്കാളിത്തമെന്ന് ഉദ്ഘാടന പ്രസംഗത്തിൽ ഷെയ്ഖ് ജൊആൻ വ്യക്തമാക്കുകയുണ്ടായി. പദ്ധതിയുടെ വിജയത്തിനായി പ്രവർത്തിച്ച ബി.എ.എൽ (BAL) പ്രസിഡന്റ് അമാദൗ ഗാലോ ഫാലിനും മറ്റ് ഭാരവാഹികൾക്കും അദ്ദേഹം നന്ദി അറിയിച്ചു.
