01:01am 19 November 2026
NEWS
വനിതാ കായികതാരങ്ങൾക്ക് ആദരവുമായി ന്യൂമറോസ് മോട്ടോഴ്സിൻറെ വൈബ് മൂവേഴ്സ് കാമ്പെയിൻ
16/11/2026  03:55 PM IST
മൈക്കിൾ വർഗ്ഗീസ് ചെങ്ങാടക്കരി
വനിതാ കായികതാരങ്ങൾക്ക് ആദരവുമായി ന്യൂമറോസ് മോട്ടോഴ്സിൻറെ വൈബ് മൂവേഴ്സ് കാമ്പെയിൻ

തൃശൂർ: വനിതാ കായികതാരങ്ങളുടെ പോരാട്ടവീര്യത്തിൻറെയും വിജയയാത്രകളുടെയും പിന്നാംപുറ കഥകൾ ജനശ്രദ്ധയിൽ എത്തിക്കാനായി ന്യൂമറോസ് മോട്ടോഴ്സ്  വൈബ് മൂവേഴ് സ് കാമ്പെയുൻ പരമ്പര ആരംഭിച്ചു.മെഡലുകൾക്കും അംഗീകാരങ്ങൾക്കുമപ്പുറം ഓരോ താരവും നടത്തിയ കഠിനാധ്വാനത്തിൻറെയും നേരിട്ട പരിക്കുകളുടെയും തിരിച്ചടികളുടെയും അതിജീവനത്തിൻറെയും കഥകളാണ് ഈ പരമ്പരയിലൂടെ അവതരിപ്പിക്കുന്നത്. ഇന്ത്യയുടെ ആദ്യ വനിതാ ഫുട്സാൽ അന്താരാഷ്ട്ര മത്സരത്തിൽ മാലദ്വീപിനെതിരെ ആദ്യ ഗോൾ നേടിയ മിതില രമണി, ടോക്കിയോ ഒളിമ്പിക് സിൽ ഫെൻസിംഗിൽ ഇന്ത്യയെ പ്രതിനിധീകരിച്ച ആദ്യ താരം ഭവാനി ദേവി, ദേശീയ സീനിയർ ടേബിൾ ടെന്നീസ് കിരീടം നേടിയ യശസ്വിനി ഘോർപഡെ എന്നിവരായിരുന്നു ആദ്യ എപ്പിസോഡുകളിലെ കായിക പ്രതിഭകൾ.  പ്രതിബന്ധങ്ങളെ അതിജീവിച്ച് വ്യത്യസ്ത മേഖലകളിൽ മുന്നേറിയ മൂന്ന് താരങ്ങൾക്കും പരിപാടിയുടെ  ഭാഗമായി ന്യൂമറോസിൻറെ ഓരോ എൻ-ഫസ്റ്റ് ഇലക്ട്രിക് വാഹനങ്ങൾ സമ്മാനിച്ചു. രാജ്യത്തെ കൂടുതൽ വനിതാ കായികതാരങ്ങളുടെ ജീവിതകഥകളും നേട്ടങ്ങളും വരുംദിവസങ്ങളിലെ പരമ്പരയിൽ ഉൾപ്പെടുത്തുമെന്ന് കമ്പനി സി.ഇ.ഒ അരുൺ ശ്രീവാസ്തവ പറഞ്ഞു. ന്യൂമറോസിൻറെ ക്രോസ്ഓവർ യൂട്ടിലിറ്റി വാഹനങ്ങളുടെ കരുത്തും വിശ്വാസ്യതയുംപോലെ പ്രതിസന്ധികളെ അതിജീവിക്കാനുള്ള ദൃഢനിശ്ചയമാണ് എല്ലാ കായികതാരങ്ങളുടെയും വിജയരഹസ്യമെന്നും അദ്ദേഹം അഭിപ്രായയപ്പെട്ടു.

Photo Courtesy - Google

ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Thrissur
img