ചെങ്ങന്നൂർ: പുത്തൻകാവ് സെന്റ് മേരീസ്‌ ഓർത്തഡോക്സ് കത്തീഡ്രൽ സ്ഥാപകനും മലങ്കര മെത്രാപ്പോലീത്തയുമായിരുന്ന വലിയ മാർ ദീവന്നാസിയോസി ( ആറാം മാർത്തോമ്മാ ) ന്റെ ഓർമ്മക്കായി ഇടവക നൽകുന്ന 16-ാമത് ആറാം മാർത്തോമാ അവാർഡിന് നാമ നിർദ്ദേശങ്ങൾ ക്ഷണിക്കുന്നു. ഭാരതത്തിന്റെ സാമൂഹ്യ, സാമുദായിക, സാംസ്‌കാരിക രംഗങ്ങളിൽ വ്യക്തിമുദ്ര പതിപ്പിച്ച ഒരു കേരളീയനാണ് അവാർഡ് നല്കപ്പെടുന്നത്. 25000/- രൂപയും പ്രശസ്തി പത്രവും അടങ്ങുന്നതാണ് അവാർഡ്. നാമ നിർദ്ദേശം ചെയ്യപ്പെടുന്ന വ്യക്തിയുടെ സമഗ്ര സംഭാവനകളെക്കുറിച്ച് അര പേജിൽ കുറയാതെയുള്ള ഒരു വിവരണം കൂടി നാമനിർദ്ദേശത്തോടൊപ്പം സമർപ്പിക്കണം. നാമനിർദേശങ്ങൾ 2026 ജനുവരി 20 ന് മുമ്പായി കൺവീനർ, ആറാം മാർത്തോമാ അവാർഡ് കമ്മിറ്റി, സെന്റ് മേരീസ്‌ ഓർത്തഡോക്സ് കത്തീഡ്രൽ, പുത്തൻകാവ്- 689123 എന്ന വിലാസത്തിലോ puthencavupalli@gmail. com എന്ന e-mail മുഖേനയോ ലഭിക്കേണ്ടതാണ്.
