ഇന്റർനാഷണൽ സ്കൂൾ
ദോഹ: നോബിൾ ഇന്ത്യൻ കിൻഡർഗാർട്ടനിലെ പതിനെട്ടാമത് ബിരുദ ദാനo നോബിൾ ഇന്റർനാഷണൽ സ്കൂളിൽ സാഘോഷം നടത്തുകയുണ്ടായി. പ്രസ്തുത ചടങ്ങ് സ്കൂൾ ചെയർമാൻ ഹുസൈൻ മുഹമ്മദ് യു ഉദ്ഘാടനം ചെയ്തു. പ്രിൻസിപ്പൽ ഡോ. ഷിബു അബ്ദുൾ റഷീദ് മുഖ്യ പ്രഭാഷണം നടത്തി. തുടർന്നു നടന്ന ബിരുദ ദാനം ചെയർമാൻ ഹുസൈൻ മുഹമ്മദ് യു, ജനറൽ സെക്രട്ടറി കെ പി ബഷീർ, ഫിനാൻസ് ഡയറക്ടർ ഷൗക്കത്തലി താജ്, സ്കൂൾ ഡയറക്ടർ ബോർഡ് പ്രതിനിധികൾ ,പ്രിൻസിപ്പൽ ഡോ. ഷിബു അബ്ദുൾ റഷീദ് എന്നിവർ ചേർന്ന് നിർവഹിച്ചു. സ്കൂൾ വൈസ് പ്രിൻസിപ്പൽസ് ജയ്മോൻ ജോയ്, റോബിൻ കെ ജോസ്, ഷിഹാബുദ്ധീൻ എം, ഹെഡ് ഓഫ് സെക്ഷൻസ് തുടങ്ങിയവർ പങ്കെടുത്തു. തങ്ങളുടെ അധ്യയന ജീവിതത്തിലെ ആദ്യ ഘട്ടം വിജയകരമായി പിന്നിട്ട കുട്ടികളെ മാതാപിതാക്കളും അധ്യാപകരും നിറഞ്ഞ സദസ്സ് അഭിനന്ദിച്ചു.നോബിൾ ഇന്ത്യൻ കിൻഡർഗാർട്ടൻ ഹെഡ് ഓഫ് സെക്ഷൻ അസ്മ റോഷൻ നന്ദി പ്രകാശിപ്പിച്ചു.
