യുഡിഎഫ് വിജയത്തില്‍ ആഹ്ലാദ പ്രകടനം നടത്തി
കൊച്ചി: നിലമ്പൂരിലെ യുഡിഎഫ് വിജയത്തില്‍ കോണ്‍ഗ്രസ് ആഹ്ലാദ പ്രകടനം നടത്തി. അധികാരത്തില്‍ അഭിരമിക്കുന്ന പിണറായി സര്‍ക്കാരിനുള്ള ജനങ്ങളുടെ മറുപടിയാണ് തിരഞ്ഞെടുപ്പ് ഫലമെന്ന് ഷിയാസ് പറഞ്ഞു. ശക്തമായ ഭരണവിരുദ്ധ വികാരമാണ് അലയടിച്ചത്. തുടര്‍ച്ചയായ ഉപതിരഞ്ഞെടുപ്പുകളില്‍ എല്‍ഡിഎഫിന് ജനം മറുപടി നല്‍കുന്നുണ്ട്. മണ്ഡലത്തിലുടനീളം വര്‍ഗീയ പരാമര്‍ശം നടത്തിയ മുഖ്യമന്ത്രിയും പാര്‍ട്ടി സെക്രട്ടറിയും കേന്ദ്ര കമ്മിറ്റി അംഗത്തെ ഒരുവഴിക്കാക്കിയെന്നും ഷിയാസ് പറഞ്ഞു.
ആര്യാടന്‍ ഷൗക്കത്തിന്റെ വിജയത്തിന് പിന്നില്‍ ഒറ്റക്കെട്ടായി അണിനിരന്ന യുഡിഎഫ് നേതൃത്വത്തെയും, നിലമ്പൂരിലെ ജനങ്ങളെയും അഭിനന്ദിക്കുന്നതായി ഷിയാസ് പറഞ്ഞു. 2026 തിരഞ്ഞെടുപ്പില്‍ യുഡിഎഫിന്റെ ശക്തമായ തേരോട്ടമാകും നടക്കുകയെന്നും അദ്ദേഹം കൂട്ടിച്ചേര്‍ത്തു.
ഡിസിസി ഓഫീസില്‍ നിന്നാരംഭിച്ച വിജയാഹ്ലാദ പ്രകടനത്തിന് ഡിസിസി പ്രസിഡന്റ് മുഹമ്മദ് ഷിയാസ്, നേതാക്കളായ ടി എം സക്കീർ ഹുസൈൻ, എം ആർ അഭിലാഷ് , വിജു ചൂളക്കൻ, സുനില സിബി, ആൻ സെബാസ്റ്റ്യൻ, ജോസഫ് ആൻറണി, അബ്ദുൽ ലത്തീഫ്, പി വി സജീവൻ, വി കെ തങ്കരാജ് , സനൽ നടിയതറ, ഹെൻറി ഓസ്റ്റിൻ, ആൽബർട്ട് അമ്പലത്തിങ്കൽ, കെ എം കൃഷ്ണലാൽ, മുബാസ് ഓടക്കാലി, കെ വി ജോൺസൻ, പി എം നജീബ്, ഷീജ പഠിപ്പുരക്കൽ, സീന ഗോകുലൻ, മിന്നാ വിവേര, ശാന്ത വിജയൻ, രജനി മണി, ഓ ഡി സേവിയർ, ആന്റണി, എം എ വഹാബ് തുടങ്ങിയവർ നേതൃത്വം നൽകി
Photo Courtesy - Google
