മറ്റുജഡ്ജിമാര് പലരും അതുക്കുമേലെ ...
ഒരു ജഡ്ജിക്ക് ഇത്രയധികം സ്വത്തുക്കൾ എങ്ങിനെയാണ് സ്വരൂപിക്കാൻ സാധിക്കുക എന്ന ചോദ്യം സമൂഹത്തിന്റെ പലകോണുകളിൽ നിന്നും ...
ന്യൂഡെൽഹി : ജഡ്ജിമാരുടെ സ്വത്തുവിവരങ്ങൾ കണ്ടും കേട്ടും ആരും ഞെട്ടേണ്ട ! ഇത് രാജ്യത്തെ പരമോന്നതകോടതി തന്നെ പുറത്തവിട്ട കണക്കാണ്. ആദ്യഘട്ടത്തിൽ 21 ജഡ്ജിമാരുടെ സ്വത്തുവിവരങ്ങളാണ് സുപ്രീം കോടതി പുറത്തുവിട്ടിരിക്കുന്നത്. ചീഫ് ജസ്റ്റിസ് സഞ്ജീവ് ഖന്നയ്ക്ക് ഒന്നര കോടിയുടെ നിക്ഷേപമാണുള്ളത്. മുതിർന്ന അഭിഭാഷകനായിരുന്ന ജസ്റ്റിസ് കെ.വി. വിശ്വനാഥന് 120 കോടിയുടെ നിക്ഷേപമുണ്ട്. ജസ്റ്റിസ് വിനോദ് ചന്ദ്രന് മ്യൂച്ചൽ ഫണ്ടിൽ എട്ടു ലക്ഷം നിക്ഷേപമുണ്ടെന്നാണ് പുറത്തുവന്നിരിക്കുന്ന വിവരം. ജസ്റ്റിസ് വിനോദ് ചന്ദ്രന് മ്യൂച്ചൽ ഫണ്ടിൽ 7.94 ലക്ഷം നിക്ഷേപവും ബാങ്ക് അക്കൗണ്ടിൽ ആറുലക്ഷം രൂപയും ഉണ്ടെന്ന് സുപ്രീം കോടതി പുറത്തുവിട്ട കണക്കിൽ പറയുന്നു.
ഇത് ജഡ്ജിമാര് തന്നെ സമര്പ്പിച്ച രേഖകളുടെ അടിസ്ഥാനത്തിലുള്ള കണക്കുകളാണ്. ഒരുപക്ഷേ, മക്കളുടേയും മരുമക്കളുടേയും പേരിലുള്ള ആസ്തിവിവരങ്ങൾ കൂടി ഉൾപ്പെടുത്തിയാൽ ഇതിലും അധികം വന്നേയ്ക്കാം, എന്നിരുന്നാലും ഒരു ജഡ്ജിക്ക് ഇത്രയധികം സ്വത്തുക്കൾ എങ്ങിനെയാണ് സ്വരൂപിക്കാൻ സാധിക്കുക എന്ന ചോദ്യം സമൂഹത്തിന്റെ പലകോണുകളിൽ നിന്നും ഉയരുന്നുണ്ട്. അഭിഭാഷകവൃത്തിയിൽ ഏര്പ്പെട്ടിരുന്ന സമയത്ത് സിറ്റിംഗ് ഒന്നിന് ലക്ഷങ്ങൾ ചാര്ജ്ജ് ചെയ്തിരുന്നവര്ക്ക് ഇതൊന്നും അസാദ്ധ്യമല്ല എന്ന ജനറൽ സ്റ്റേറ്റ്മെന്റാണ് പുറത്തുവരുന്നത്. എന്നാൽ അടുത്തിടെ ഒരു ജഡ്ജിയുടെ വീട്ടിൽ തീപിടിത്തമുണ്ടായപ്പോൾ കറൺസി നോട്ടുകൾ കത്തിയതുൾപ്പെടെയുള്ള കാര്യങ്ങൾ പലരും ഇതോടൊപ്പം ചേര്ത്തുവായിക്കുന്നുണ്ട്.
Photo Courtesy - Google
