ദോഹ: ദോഹ: ഖത്തറിലെ പൊതുസേവന-അടിസ്ഥാനസൗകര്യ മേഖലകളിൽ വൻ വികസന പദ്ധതികൾ നടപ്പിലാക്കാൻ ഒരുങ്ങി പബ്ലിക് വർക്സ് അതോറിറ്റി (അഷ്ഗാൽ). രാജ്യത്തെ വിദ്യാഭ്യാസ സ്ഥാപനങ്ങളുടെ നിലവാരം ഉയർത്തുന്നതിനും, ആരോഗ്യ സേവനങ്ങൾ ശക്തിപ്പെടുത്തുന്നതിനും, നഗര സൗന്ദര്യവൽക്കരണത്തിനുമായി വിപുലമായ പദ്ധതികളാണ് വിഭാവനം ചെയ്തിരിക്കുന്നത്. പുതിയ വികസന പാക്കേജിന്റെ ഭാഗമായി വിദ്യാലയങ്ങളുടെ നവീകരണം, പുതിയ പാർക്കുകൾ, ആരോഗ്യ കേന്ദ്രങ്ങൾ, സൗരോർജ്ജ പദ്ധതികൾ എന്നിവ നടപ്പിലാക്കുമെന്ന് അധികൃതർ അറിയിച്ചു.
വിദ്യാഭ്യാസ മേഖലയിൽ വലിയ രീതിയിലുള്ള അടിസ്ഥാനസൗകര്യ വികസനമാണ് അഷ്ഗാൽ ലക്ഷ്യമിടുന്നത്. ഇതിന്റെ ഭാഗമായി 50 സ്കൂളുകളിൽ അത്യാധുനിക ഫയർ സേഫ്റ്റി സംവിധാനങ്ങൾ സജ്ജമാക്കും. 16 സ്കൂളുകളിൽ പുതിയ ക്ലാസ് മുറികൾ നിർമ്മിക്കുമ്പോൾ, പഴക്കമുള്ള മുആദ് ബിൻ ജബൽ, റൗദത് റാഷിദ് എന്നീ സ്കൂളുകൾ പൂർണ്ണമായും പൊളിച്ചുപണിത് പുതിയ കെട്ടിടങ്ങൾ നിർമ്മിക്കും. കൂടാതെ, ലുസൈലിലെ കമ്മ്യൂണിറ്റി കോളേജ് ഓഫ് ഖത്തറിന്റെ (CCQ) കെട്ടിടങ്ങളും അനുബന്ധ സൗകര്യങ്ങളും അത്യാധുനിക രീതിയിൽ നവീകരിക്കും. 2030 ദോഹ ഏഷ്യൻ ഗെയിംസിന് മുന്നോടിയായുള്ള കായിക സൗകര്യങ്ങളുടെ വികസനവും ഈ പാക്കേജിൽ ഉൾപ്പെടുത്തി നടപ്പിലാക്കും.ആരോഗ്യ രംഗത്തെ സേവനങ്ങൾ കൂടുതൽ മെച്ചപ്പെടുത്തുന്നതിന്റെ ഭാഗമായി റസ് ലഫാൻ ആശുപത്രിയുടെ വികസന പ്രവർത്തനങ്ങൾ അഷ്ഗാൽ പൂർത്തിയാക്കും. അതോടൊപ്പം, ധനകാര്യ മന്ത്രാലയവുമായി సహകരിച്ച് പുതിയ ഹെൽത്ത് സെന്ററുകൾ, മറ്റ് പൊതു കെട്ടിടങ്ങൾ, അത്യാവശ്യ പരിപാലന ജോലികൾ എന്നിവയ്ക്കായി ഉടൻ തന്നെ പുതിയ ടെൻഡറുകൾ ക്ഷണിക്കുന്നതാണ്.പരിസ്ഥിതി സൗഹൃദ അന്തരീക്ഷവും കാൽനട സൗകര്യങ്ങളും വർദ്ധിപ്പിക്കുന്നതിനായി നിരവധി പദ്ധതികളാണ് അഷ്ഗാൽ ആസൂത്രണം ചെയ്തിരിക്കുന്നത്.​പൊതുജനങ്ങളുടെ ജീവിതനിലവാരം ഉയർത്തുന്നതിനും രാജ്യത്തിന്റെ നഗരക്കാഴ്ചകൾ മനോഹരമാക്കുന്നതിനും ലക്ഷ്യമിട്ടാണ് അഷ്ഗാൽ ഈ ബൃഹത് പദ്ധതികൾ നടപ്പിലാക്കുന്നത്.