തെന്നിന്ത്യൻ സിനിമയിലെ ലേഡി സൂപ്പർസ്റ്റാറായ നയൻതാര, തെലുങ്ക് സിനിമയിലെ സൂപ്പർസ്റ്റാറായ ചിരഞ്ജീവിയോടൊപ്പം 'സൈ റാ നരസിംഹ റെഡ്ഡി', മലയാള 'ലൂസിഫർ' ചിത്രത്തിന്റെ തെലുങ്ക് റീമേക്കായ 'ഗോഡ്ഫാദർ' തുടങ്ങിയ ചിത്രങ്ങളിൽ അഭിനയിച്ചിട്ടുണ്ട്. ഈ സിനിമകളെ തുടർന്ന് നയൻതാര വീണ്ടും ചിരഞ്ജീവിക്കൊപ്പം അഭിനയിക്കാൻ പോകുന്നു എന്നും, അത് സംബന്ധമായുള്ള ചർച്ചകൾ പുരോഗമിക്കുകയാണ് എന്നുമുള്ള വാർത്ത മുൻപ് നൽകിയിരുന്നു. അതിനെ തുടർന്ന് നയൻതാര തെലുങ്കിലെ പ്രശസ്ത സംവിധായകന്മാരിൽ ഒരാളായ അനിൽ രവിപുടി സംവിധാനം ചെയ്യുന്ന ചിരഞ്ജീവിയുടെ 157-ാമത്തെ ചിത്രത്തിൽ ചിരഞ്ജീവിക്കൊപ്പം അഭിനയിക്കാൻ ജോയിൻ ചെയ്യുകയും ചെയ്തു. ചിത്രത്തിന്റെ ആദ്യത്തെ ഷെഡ്യൂൾ ഷൂട്ടിങ്ങ് ഹൈദരാബാദിലാണ് നടന്നത്. . . ഇതിനെ തുടർന്ന് ചിരഞ്ജീവിയും, നയൻതാരയും ഒന്നിച്ചുള്ള രംഗങ്ങളുടെ രണ്ടാം ഷെഡ്യൂൾ ചിത്രീകരണം ഇപ്പോൾ ഉത്തരാഖണ്ഡിലെ മുസ്സൂറിയിൽ പുരോഗമിക്കുകയാണ് എന്നുള്ള റിപ്പോർട്ട് പുറത്തുവന്നിട്ടുണ്ട്. ഈ ചിത്രം ഒരു ആയോധനകലയുടെ കഥയെ ആസ്പദമാക്കിയുള്ള ചിത്രമായിട്ടാണത്രെ ഒരുങ്ങുന്നത്. ഇതിൽ നയൻതാര വളരെ പ്രധാന്യമുള്ള ഒരു കഥാപാത്രത്തിലാണ് അഭിനയിക്കുന്നത് എന്നും, അതിനായി താരം വലിയ ഒരു തുകയാണ് ശമ്പളമായി വാങ്ങിയിരിക്കുന്നത് എന്നുള്ള വാർത്തയും പുറത്തുവന്നിട്ടുണ്ട്. 2026-ലെ സംക്രാന്തിക്ക് പ്രദർശനത്തിനെത്തിക്കാനുള്ള പദ്ധതിയോടെയാണ് ചിത്രം ഒരുങ്ങിവരുന്നത് എന്നും പറയപ്പെടുന്നുണ്ട്.
Photo Courtesy - Google
