പി. പ്രസാദ്
ആലപ്പുഴ : ദേശീയ പാത 66ൽ ആലപ്പുഴ ബീച്ച് വിജയാ പാർക്കിന് സമീപം ആലപ്പുഴ ബൈപ്പാസ് മേൽപ്പാല നിർമ്മാണത്തിനിടെ ഗർഡറുകൾ തകർന്ന് വീണ സംഭവത്തിൽ സമഗ്ര അന്വേഷണം നടത്തണമെന്ന് കൃഷിമന്ത്രി പി. പ്രസാദ് ആവശ്യപ്പെട്ടു.
ഇത് സംബന്ധിച്ച് ദേശീയ ഉപരിതല ഗതാഗത മന്ത്രി നിതിൻഗഡ്കരിക്ക് കത്ത് നൽകി. അപകടം നടന്ന സമയത്ത് ആരും ഉണ്ടാകാതിരുന്നതിനാൽ വൻദുരന്തം ഒഴിവായെങ്കിലും സമീപവാസികൾ ഭീതിയിലാണ്. ദേശീയപാതാ നിർമ്മാണത്തിനിടെ ഉണ്ടായ ഈ അപകടം ഗൗരവത്തിൽ കാണേണ്ടതാണ്. നിർമ്മാണത്തിൻ്റെ ഗുണനിലവാരത്തിൽ ഉണ്ടായ വീഴ്ചയാണ് അപകടത്തിന് കാരണമെന്നും ഇതിനെ ഗൗരവമായെടുത്ത് ഒരു ഉന്നതതല വിദഗ്ദ സംഘം രൂപീകരിച്ച് സമഗ്രമായ അന്വേഷണം നടത്തണമെന്നും അതോടൊപ്പം ജില്ലയിൽ മറ്റ് പ്രദേശങ്ങളിൽ നടക്കുന്ന NH66 നിർമ്മാണ പ്രവർത്തനങ്ങളുടെ ഗുണനിലവാരം ഉറപ്പാക്കി ജനങ്ങളുടെ ആശങ്കകൾ അകറ്റണമെന്നും മന്ത്രി ആവശ്യപ്പെട്ടു.
Photo Courtesy - Google
