ചാവറ കൾച്ചറൽ സെന്ററിൽ രണ്ടുദിവസമായി നടക്കുന്ന നാഷണൽ ഡാൻസ് ഫെസ്റ്റിവലിന്ഇ നൃത്യ 2025 ന് സമാപനമായി. സി എം ഐ സഭ വിദ്യാഭ്യാസ മാധ്യമ വിഭാഗം ജനറൽ കൗൺസിലർ റവ. ഡോ. മാർട്ടിൻ മള്ളാത്ത് സന്ദേശം നൽകി. ആസാമിൽ നിന്നുള്ള ബിഹു, ഒഡീഷ്യയിൽ നിന്നുള്ള സബ്ബൽ പൂരി, ജാർഖണ്ഡിൽ നിന്നുള്ള സന്താൽ, ബിഹാറിൽ നിന്നുള്ള ബോജ്പുരി, ഗുജറാത്ത്, മറാത്തി, കാശ്മീരി, പഞ്ചാബി,തുടങ്ങിയ നൃത്തങ്ങൾ അവതരിപ്പിച്ചു. മീന കുറുപ്പും സീന ഉണ്ണിയും ചേർന്ന് കഥകളി അവതരിപ്പിച്ചു. ടി. പി. വിവേകും രെത്നശ്രീ അയ്യരും ചേർന്ന് ഹിന്ദുസ്ഥാനി ഭജൻസ് അവതരിപ്പിച്ചു. നൃത്യമലാഞ്ച സിൽഗുരി ഗ്രൂപ്പ്‌ അവതരിപ്പിച്ച വന്ദേമാതരത്തോടെ ഡാൻസ് ഫെസ്റ്റിവൽ സമാപിച്ചു. ചാവറ കൾച്ചറൽ സെന്റർ ഡയറക്ടർ ഫാ. അനിൽ ഫിലിപ്പ് സി. എം. ഐ., ഫാ. മാർട്ടിൻ മള്ളാത്ത് സി. എം. ഐ. എന്നിവർ കലാകാരികൾക്ക് ഉപഹാരം നൽകി.തുടർന്ന് നർത്തകിയും നടിയുമായ നവ്യ നായരുടെ ഭരതനാട്യം അരങ്ങേറി.
