ദോഹ: മുവാറ്റുപുഴ പ്രവാസി അസോസിയേഷൻ ഖത്തറിന്റെ (MPAQ) ആഭിമുഖ്യത്തിൽ സംഘടിപ്പിച്ച ഓണാഘോഷം പ്രവാസി മലയാളികളുടെ പങ്കാളിത്തംകൊണ്ടും വൈവിധ്യമാർന്ന പരിപാടികൾകൊണ്ടും ശ്രദ്ധേയമായി. മോഡേൺ ആർട്സ് സെന്ററിൽ നടന്ന ആഘോഷപരിപാടികൾക്ക് ആവേശകരമായ പ്രതികരണമാണ് ലഭിച്ചത്. കുട്ടികളും മുതിർന്നവരും കുടുംബാംഗങ്ങളും വിവിധ പ്രവാസി സംഘടനകളുടെ പ്രതിനിധികളും പങ്കുചേർന്ന പരിപാടി മലയാളികളുടെ സാംസ്കാരിക പൈതൃകവും കൂട്ടായ്മയുടെ മഹത്വവും വിളിച്ചോതുന്നതായി.
പ്രശസ്ത ആർ. ജെ യും ബിഗ്‌ബോസ് താരവുമായ ആർ.ജെ. സൂരജ് ആഘോഷപരിപാടികൾ ഉദ്ഘാടനം ചെയ്തു. പ്രവാസജീവിതത്തിന്റെ തിരക്കുകൾക്കിടയിലും സ്വന്തം നാടിന്റെ സംസ്കാരവും പാരമ്പര്യവും ആഘോഷങ്ങളിലൂടെ പുതുതലമുറയിലേക്ക് കൈമാറുന്നതിൽ ഇത്തരം കൂട്ടായ്മകൾക്ക് വലിയ പ്രാധാന്യമുണ്ടെന്ന് ചടങ്ങ് അടിവരയിട്ടു. വിവിധ പ്രായത്തിലുള്ളവർ ഒരുമിച്ചുചേർന്ന ആഘോഷം കുടുംബസംഗമത്തിന്റെയും സൗഹൃദത്തിന്റെയും സന്തോഷത്തിന്റെയും വേദിയായി മാറി.
കേരളത്തിന്റെ ദേശീയോത്സവമായ ഓണത്തിന്റെ ഐക്യത്തിന്റെയും സമത്വത്തിന്റെയും സാഹോദര്യത്തിന്റെയും സന്ദേശം ഉയർത്തിപ്പിടിച്ചുകൊണ്ടാണ് പരിപാടികൾ സംഘടിപ്പിച്ചത്. കുട്ടികളുടെ സജീവപങ്കാളിത്തവും കുടുംബങ്ങളുടെ സാന്നിധ്യവും ആഘോഷത്തിന് പ്രത്യേക മിഴിവേകി. പ്രവാസലോകത്ത് മലയാളികളുടെ സാംസ്കാരിക പാരമ്പര്യം സംരക്ഷിക്കുന്നതിനും പരസ്പരസഹകരണം ശക്തിപ്പെടുത്തുന്നതിനും ഇത്തരം പരിപാടികൾ സഹായകരമാണെന്ന് സംഘാടകർ വിലയിരുത്തി.
ഓണാഘോഷത്തിൽ ഇന്ത്യൻ കമ്മ്യൂണിറ്റി ബെനവലന്റ് ഫോറം (ICBF) പ്രസിഡന്റ് ഷാനവാസ് ബാവ, ICBF ജനറൽ സെക്രട്ടറി ദീപക് ഷെട്ടി, ICBF പ്രോഗ്രാം കമ്മിറ്റി ചെയർമാൻ കെ.വി. ബോബൻ, മുവാറ്റുപുഴ പ്രവാസി അസോസിയേഷൻ ഖത്തർ രക്ഷാധികാരി ജലാൽ ചെറുകപ്പിള്ളിൽ, ഉപദേശക സമിതി ചെയർമാൻ മർഫി സ്കറിയ, MPAQ ഉപദേശക സമിതി അംഗം ബൈജു തോമസ് മലേക്കുടിയിൽ, Dr. പരീത് റാവുത്തർ എന്നിവർ പങ്കെടുത്തു.
മുവാറ്റുപുഴ പ്രവാസി അസോസിയേഷൻ ഖത്തർ പ്രസിഡന്റ് അരുൺ ജോസ്, ജനറൽ സെക്രട്ടറി ഷെമീർ പുന്നൂരാൻ, ട്രഷറർ ഷിബു സുലൈമാൻ, വൈസ് പ്രസിഡന്റ് മാർട്ടിൻ എം കൊട്ടുപിള്ളിൽ, പ്രോഗ്രാം കമ്മറ്റി കൺവീനർ റിഷാദ് മൊയ്‌തീൻ, ജോയിന്റ് സെക്രട്ടറി ജിഷാ മാത്യു, MPAQ ഭാരവാഹികളായ മിഥുൻ രമേശൻ, എം എം മൂസ, റിനാഷ് നാസർ, നിയാസ് ബക്കർ, ജൻസീർ ജലാൽ, ആശ്രയ ഖത്തർ പ്രസിഡന്റ് സനൂപ്, അനീഷ് ആശ്രയ, ജിനു മാർട്ടിൻ, ഡേവിസ് ചേലാട്ട്, ഷഫീക് ബാവ, ജിക്കു ജോർജ്, ആഷ്‌ന ഷഫീഖ്, ചിത്തിര ഷൈജു ,ബേസിൽ ജോൺ, ടോണി ജെ എ, ജോർഡി, എൽദോസ് റാക്കാട്, സെബിൻ ജോസഫ് ചടങ്ങിൽ സന്നിഹിതരായിരുന്നു. ICBF എം.സി. അംഗം മിനി സിബി, EDSO പ്രസിഡന്റ് ജിജു ഹനീഫ്, പെരുമ്പാവൂർ പ്രവാസി അസോസിയേഷൻ ഖത്തർ പ്രസിഡന്റ് ഷിജു കുര്യാക്കോസ്, QAPPA പ്രസിഡന്റ് ഇ.വി. സജിമോൻ, ANRIA ജനറൽ സെക്രട്ടറി വിനായക് മോഹൻ, IKESAQ പ്രസിഡന്റ് മഹേഷ് മോഹൻ എന്നിവരും ആഘോഷപരിപാടികളിൽ പങ്കുചേർന്നു.
