ദോഹ: സാമൂഹിക പ്രവർത്തന രംഗത്തെ മികവ്അംഗീകരിക്കുന്നതിനായി ഖത്തർ സോഷ്യൽ ഡെവലപ്‌മെന്റ് ആൻഡ് ഫാമിലി മന്ത്രാലയം (MSDF) ‘റൗദ അവാർഡ് ഫോർ എക്സലൻസ് ഇൻ സോഷ്യൽ വർക്ക്’അവാർഡ്നൽകുമെന്ന് പ്രഖ്യാപിച്ചു. ദോഹയിൽ നടന്നവാർത്താസമ്മേളനത്തിലാണ് അവാർഡിന്റെ വിശദാംശങ്ങൾ അവതരിപ്പിച്ചത്.ഖത്തറിലെ വ്യക്തികൾ, കുടുംബങ്ങൾ, സ്ഥാപനങ്ങൾ എന്നിവരുടെ സാമൂഹിക രംഗത്തെ നവീനവും ദീർഘകാല ഫലപ്രദവുമായ സംഭാവനകളെ ആദരിക്കുന്ന ആദ്യ ഔദ്യോഗിക ദേശീയ അവാർഡാണിത്. ഖത്തർ നാഷണൽ വിഷൻ 2030-നോട് യോജിച്ച് മനുഷ്യ–സാമൂഹിക വികസനവും ‘കരുതലിൽ നിന്ന് ശാക്തീകരണത്തിലേക്കുള്ള’ മാറ്റവും പ്രോത്സാഹിപ്പിക്കുകയാണ് അവാർഡിന്റെ ലക്ഷ്യം.
സ്വകാര്യ മേഖലയും മാധ്യമങ്ങളും അവാർഡിന്റെ വിജയത്തിൽ നിർണായക പങ്ക് വഹിക്കുമെന്ന് അവാർഡ് സി.ഇ.ഒ. അബ്ദുൽ അസീസ് ഇബ്രാഹിം അൽ ഇഷാഖ് വ്യക്തമാക്കി. സുതാര്യതയും നീതിയും ഉറപ്പാക്കുന്ന കർശനമായ മൂല്യനിർണയ സംവിധാനത്തിലൂടെയാണ് ജേതാക്കളെ തിരഞ്ഞെടുക്കുക.
