കൊച്ചി: നാലര പതിറ്റാണ്ടിൻ്റെ പേരും പെരുമയുമായി ആലപ്പുഴ കാട്ടൂർ ഹെർക്കുലിസ് ജിം നാൽപ്പത്തിയഞ്ചാം വയസ്സിലേക്ക്.
ആഘോഷ പരിപാടികളുടെ ഭാഗമായി ഹെർക്കുലിസ് ജിമ്മിൻ്റെ നേതൃത്വത്തിൽ ജനുവരി 12 ന് കലവൂർ എൻ.ഗോപിനാഥ് ഇൻഡോർ സ്റ്റേഡിയത്തിൽ മിസ്റ്റർ ആൻഡ് മിസിസ്സ് ആലപ്പുഴ ബോഡി ബിൽഡിംഗ് ആൻഡ് ഫിസിക് ചാംപ്യൻഷിപ്പ് നടക്കും. ആലപ്പുഴ ഡിസ്ട്രിക്റ്റ് ബോഡി ബിൽഡിംഗ് അസ്സോസിയേഷനുമായി സഹകരിച്ചാണ് മത്സരം നടത്തുന്നത്.
മണ്ണഞ്ചേരി ഇൻസ്പെക്റ്റർ ഓഫ് പോലീസ് ടോൾസൻ ജോസഫ് ഉദ്ഘാടനം ചെയ്യും. ചീഫ് ഇൻസ്ട്രക്റ്റർ വിൽസൺ പ്രസൻ്റേഷൻ്റെ സാന്നിധ്യത്തിൽ ചേരുന്ന ഉദ്ഘാടന സമ്മേളനത്തിൽ കെ.പി.വേണു നാഥൻ, റിട്ട. എസ് പി സുനിൽ ജേക്കബ് , മികച്ച അധ്യാപകനുള്ള രാഷ്ട്രപതിയുടെ മെഡൽ നേടിയ രാധാകൃഷ്ണ പണിക്കർ തുടങ്ങിയവർ പങ്കെടുക്കും.
രാജ്യത്തിന് അഭിമാനകരമായി മാറിയ ഒട്ടേറെ പ്രതിഭകളെ വാർത്തെടുത്ത സ്ഥാപനമാണ് ഹെർക്കുലീസ്. ആധുനിക പരിശീലന മുറകളും ഉപകരണങ്ങളും പ്രയോജനപ്പെടുത്തിയാണ് സ്ഥാപനം പ്രവർത്തിക്കുന്നത്
