ദോഹ: പോസിറ്റീവ് അഫര്മേഷനുകളിലൂടെയും മാനിഫെസ്റ്റേഷനിലൂടെയും ഓരോ ദിവസവും കൂടുതല് ഊര്ജസ്വലവും ക്രിയാത്മകവുമാക്കുക എന്ന ലക്ഷ്യത്തോടെ 'വിജയമന്ത്രങ്ങള്' ടീം ഒരുക്കുന്ന പുതിയ മോട്ടിവേഷണല് പോഡ്കാസ്റ്റായ 'മോണിംഗ് വൈബ്സ്' ഉദ്ഘാടനം ചെയ്തു.
റേഡിയോ മലയാളം സ്റ്റുഡിയോയില് നടന്ന ചടങ്ങില് അല് സുവൈദ് ഗ്രൂപ്പ് മാനേജിംഗ് ഡയറക്ടര് ഡോ. വി.വി. ഹംസ, പോഡ്കാസ്റ്റിന്റെ പോസ്റ്റര് റേഡിയോ മലയാളം സി.ഇ.ഒ അന്വര് ഹുസൈന് കൈമാറി ഉദ്ഘാടനം നിര്വഹിച്ചു.
ആന്റി സ്മോക്കിംഗ് സൊസൈറ്റി ഗ്ലോബല് ചെയര്മാന് ഡോ. മുഹമ്മദ് ഉണ്ണി ഒളകര, സെപ്രോടെക് എം.ഡി ജോസ് ഫിലിപ്പ്, ന്യൂ ഗുഡ്വില് കാര്ഗോ എം.ഡി മുഹമ്മദ് നൗഷാദ് അബു, ഖത്തര് ട്രിബ്യൂണ് സീനിയര് ജേണലിസ്റ്റ് സത്യേന്ദ്ര പഥക്, ജി.ആര്.സി.സി പ്രസിഡന്റ് രോഷ്നി കൃഷ്ണന് എന്നിവര് ചടങ്ങില് സംബന്ധിച്ചു.
ഡോ. അമാനുല്ല വടക്കാങ്ങരയും റാഫി പാറക്കാട്ടിലും ചേര്ന്നാണ് 'മോണിംഗ് വൈബ്സ്' ഒരുക്കുന്നത്. ഓരോ എപ്പിസോഡിനും ഒരു മിനിറ്റ് മുതല് ഒന്നര മിനിറ്റ് വരെ ദൈര്ഘ്യമുണ്ടാകും. സെപ്റ്റംബര് 15 മുതല് ലോകമെമ്പാടുമുള്ള ശ്രോതാക്കളിലേക്ക് വാട്സ്ആപ്പ് ഗ്രൂപ്പുകള് വഴി പ്രചോദനാത്മക എപ്പിസോഡുകള് എത്തിക്കും. ചൊവ്വ, വ്യാഴം, വെള്ളി, ഞായര് ദിവസങ്ങളിലായിരിക്കും പോഡ്കാസ്റ്റ് പ്രസിദ്ധീകരിക്കുക.
ചടങ്ങില് ഡോ. അമാനുല്ല വടക്കാങ്ങര സ്വാഗതവും റാഫി പാറക്കാട്ടില് നന്ദിയും പറഞ്ഞു.
