ദോഹ: ഹമദ് അന്താരാഷ്ട്ര വിമാനത്താവളത്തിലേക്ക് (HIA) കൂടുതൽ എയർലൈൻ പങ്കാളികൾ സർവീസുകൾ പുനരാരംഭിക്കുന്നതായി അധികൃതർ അറിയിച്ചു. മൂന്ന് വിമാനക്കമ്പനികൾ കൂടി ദോഹയിലേക്കും തിരിച്ചുമുള്ള തങ്ങളുടെ പ്രവർത്തനങ്ങൾ ഉടൻ സജീവമാക്കും.
കഴിഞ്ഞ ഏപ്രിൽ 21 മുതൽ ഘട്ടംഘട്ടമായാണ് വിമാന സർവീസുകൾ പഴയ നിലയിലേക്ക് മടങ്ങുന്നത്. മെയ് 4: എത്യോപ്യൻ എയർലൈൻസ്.
മെയ് 11: ശ്രീലങ്കൻ എയർലൈൻസ്.
മെയ് 12: പെഗാസസ് എയർലൈൻസ്.
മെയ് 16: കാം എയർ.
മെയ് 19: ഫ്ലൈനാസ് (Flynas).
ജൂലൈ 1: റോയൽ എയർ മറോക്ക്.
യാത്രക്കാർക്ക് ബുക്കിംഗിനും വിമാന സമയക്രമത്തിനുമായി ബന്ധപ്പെട്ട വിമാനക്കമ്പനികളുമായി നേരിട്ട് ബന്ധപ്പെടാവുന്നതാണ്. ബന്ധപ്പെട്ട അധികൃതരുടെയും എയർലൈൻ പങ്കാളികളുടെയും ഏകോപനത്തോടെയാണ് പ്രവർത്തനങ്ങൾ നടക്കുന്നത്. അപ്രതീക്ഷിത സാഹചര്യങ്ങൾക്കനുസരിച്ച് സമയക്രമത്തിൽ മാറ്റങ്ങളോ റദ്ദാക്കലുകളോ ഉണ്ടായേക്കാമെന്നും എച്ച്.ഐ.എ (HIA) അറിയിച്ചു.
