ദോഹ: ഖത്തറിലുടനീളം ബുധനാഴ്ച മൊബൈൽഫോൺ ഉപയോക്താക്കൾക്കു ലഭിച്ച അടിയന്തര അലർട്ട്, ആഭ്യന്തര മന്ത്രാലയത്തിന്റെ രാജ്യവ്യാപക സുരക്ഷാ അഭ്യാസമായ “വത്തൻ 2025” ന്റെ ഭാഗമാണെന്ന് അധികൃതർ അറിയിച്ചു. ദേശീയ കമാൻഡ് സെൻറർ (NCC) പുറത്തിറക്കിയ ഈ സന്ദേശം പൊതുജനങ്ങളിൽ ആശങ്ക ഒഴിവാക്കുന്നതിനായി ഇത് ഒരു ക്രമീകരിച്ച പരിശീലന മുന്നറിയിപ്പാണെന്നും, യാതൊരു നടപടിയും പൊതു ജനങ്ങളിൽ നിന്ന് ആവശ്യപ്പെടുന്നതല്ലെന്നും വ്യക്തമാക്കിയിരുന്നു.
അറബി–ഇംഗ്ലീഷ് ഭാഷകളിൽ നൽകിയ അലർട്ടിൽ, “ഇത് വത്തൻ 2025 അഭ്യാസത്തിന്റെ ഭാഗമായുള്ള പരീക്ഷണ മുന്നറിയിപ്പ് മാത്രം” എന്നതായിരുന്നു ഉള്ളടക്കം.
മന്ത്രിയായും ലഖ്വിയയുടെ കമാൻഡറുമായ ഹെ ഷെയ്ഖ് ഖലീഫ ബിൻ ഹമദ് ബിൻ ഖലീഫ അൽ താനിയുടെ സാന്നിധ്യത്തിൽ ആരംഭിച്ച അഭ്യാസത്തിന്റെ അഞ്ചാം പതിപ്പ്, സൈനികം, സുരക്ഷാ വിഭാഗങ്ങൾ, സിവിൽ ഏജൻസികൾ തുടങ്ങി വിവിധ മേഖലകളെ ഒന്നിച്ചു കൊണ്ടുവരുന്നു.
ചൊവ്വാഴ്ച ആരംഭിച്ച ഈ അഭ്യാസം, വിവിധ അതോറിറ്റികളുടെ ഫീൽഡ് റെഡിനസ്സ് വർദ്ധിപ്പിക്കുകയും, വിഭാഗങ്ങൾ തമ്മിലുള്ള ഏകോപനം ശക്തിപ്പെടുത്തുകയും, പ്രതിസന്ധി–അപരീക്ഷിത സാഹചര്യങ്ങളിൽ വേഗതയേറിയ, പ്രൊഫഷണൽ പ്രതികരണം ഉറപ്പാക്കാനും ലക്ഷ്യമിടുന്നു.
ആഭ്യന്തര മന്ത്രാലയത്തിന്റെ വിവരമനുസരിച്ച്, വത്തൻ 2025 ഖത്തറിന്റെ സൈനിക–സുരക്ഷാ–സിവിൽ സംവിധാനങ്ങളുടെ ഐക്യവും സജ്ജത്വവും ലോകോത്തര നിലവാരത്തിലേക്ക് ഉയർത്തുന്ന ഒരു പ്രധാന വേദിയാണ്.
