കൊച്ചി: വൈപ്പിൻ റോ-റോ സർവ്വീസിൽ കയറുവാൻ കാത്ത് നിൽക്കുന്ന യാത്രക്കാരുടെ നീണ്ട നിര ബോട്ട് ജെട്ടിക്ക് സമീപമുള്ള വീടുകൾക്ക് മുന്നിലേക്കു വരെ നീളുന്നുവെന്നും ഇതുമൂലം ബോട്ട് ജെട്ടിക്ക് സമീപം വലിയ ഗതാഗതക്കുരുക്ക് സൃഷ്ടിക്കപ്പെടുന്നുവെന്നും ആയത് പരിഹരിക്കപ്പെടണം എന്നുമുള്ള പരിസര വാസികളുടെയും യാത്രക്കാരുടെയും നിരന്തരമായുള്ള ആവശ്യം കണക്കിലെടുത്തു കൊച്ചി എംഎൽഎ മുഹമ്മദ് ഷിയാസിന്റെ നേതൃത്വത്തിൽ KSINC അധികൃതരും ട്രാഫിക് പോലീസും കൊച്ചി നഗരസഭ മേയർ അഡ്വ വി.കെ മിനിമോൾ, നഗരസഭ സെക്രട്ടറി അടക്കമുള്ള ഉദ്യോഗസ്ഥരുമായി ചേർന്ന് പ്രസ്തുത സ്ഥലം സന്ദർശിക്കുകയും യാത്രക്കാരോടും സമീപവാസികളോടും ഈ വിഷയം സംബന്ധിച്ച് ചർച്ച ചെയ്യുകയും ചെയ്തു.
ട്രാഫിക് പോലീസിന്റെയും KSINC യുടെയും സഹകരണത്തോടെ ഗതാഗത കുരുക്ക് ഒഴിവാക്കുവാൻ ആവശ്യമായ നിർദ്ദേശങ്ങൾ നൽകിയിട്ടുണ്ടെന്ന് മുഹമ്മദ് ഷിയാസ് എം.എൽ.എ പറഞ്ഞു. കൊച്ചി മേയർ അഡ്വ മിനിമോൾ വി.കെ, സ്റ്റാൻഡിങ് കമ്മിറ്റി ചെയർമാൻമാരായ ടി. കെ. അഷ്റഫ്, അഡ്വ പി. എം. നസീമ, ഡിവിഷൻ കൗൺസിലർ ഷൈനി മാത്യു, KSINC ഡയറക്ടർ ഗിരിജ ഐഎഎസ്, നഗരസഭാ സെക്രട്ടറി പി എസ് ഷിബു, സൂപ്രണ്ടിങ് എൻജിനീയർ ഡേവിഡ് ജോൺ തുടങ്ങിയവർ സന്നിഹിതരായിരുന്നു.
Photo Courtesy - Google
