01:52am 13 November 2026
NEWS
സബ്‌സിഡി സാധനങ്ങളുടെ ദുരുപയോഗം: ദോഹയിൽ വ്യാപാര സ്ഥാപനം അടച്ചുപൂട്ടി
16/03/2026 03:47 PM IST
nila
ദോഹ: റേഷൻ കാർഡുകളും സബ്‌സിഡി നൽകുന്ന ഭക്ഷ്യസാധനങ്ങളും നിയമവിരുദ്ധമായി കൈകാര്യം ചെയ്തതിനെത്തുടർന്ന് ഖത്തറിലെ ഒരു വ്യാപാര സ്ഥാപനം വാണിജ്യ വ്യവസായ മന്ത്രാലയം (MOCI) അടച്ചുപൂട്ടി. 'അൽ-സവാഇദ് ഖത്തരി കോൺട്രാക്റ്റിംഗ്, ട്രാൻസ്പോർട്ട് ആൻഡ് ട്രേഡിംഗ്' എന്ന കമ്പനിക്കെതിരെയാണ് നടപടി. 30 ദിവസത്തേക്കാണ് സ്ഥാപനത്തിന് ഭരണപരമായ അടച്ചുപൂട്ടൽ (Administrative Closure) ഏർപ്പെടുത്തിയത്.
സബ്‌സിഡി സാധനങ്ങൾ കൈകാര്യം ചെയ്യുന്നതുമായി ബന്ധപ്പെട്ട 2017-ലെ 5-ാം നമ്പർ നിയമത്തിലെ വ്യവസ്ഥകൾ ലംഘിച്ചതിനാണ് ഈ നടപടി.ഇത്തരത്തിലുള്ള നിയമലംഘനങ്ങൾക്കെതിരെ കർശനമായ നടപടികൾ തുടരുമെന്ന് മന്ത്രാലയം അറിയിച്ചു. ഉപഭോക്താക്കൾക്ക് പരാതികളോ അന്വേഷണങ്ങളോ ഉണ്ടെങ്കിൽ 16001 എന്ന നമ്പറിൽ കോൾ സെന്ററുമായി ബന്ധപ്പെടാവുന്നതാണ്.
ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
