തെലുങ്ക് സിനിമയിലെ മുൻനിര നായകന്മാരിൽ ഒരാളായ അല്ലു അർജുനും, തമിഴ് സംവിധായകനായ അറ്റ്ലിയും ചേർന്ന് വളരെ ബ്രമ്മാണ്ഡമായി ഒരുക്കി വരുന്ന ചിത്രമാണ് 'രാക്ക'. സൂപ്പർ ഹീറോ കഥയായി ഒരുങ്ങി വരുന്ന ഈ ചിത്രത്തിൻ്റെ ബഡ്ജറ്റ് 800 കോടിയോളം വരുമെന്നാണ് പറയപ്പെടുന്നത്. അടുത്തിടെ ഈ സിനിമയുടെ ഫസ്റ്റ് ലുക്ക് പോസ്റ്റർ പുറത്തുവന്നിരുന്നു. അതിൽ അല്ലു അർജുനിൻ്റെ രൂപം മനുഷ്യനും, മൃഗവും കലർന്നുള്ള ഒരു രൂപത്തിലായിരുന്നു. ഈ ചിത്രത്തിൽ അല്ലു അർജുനൊപ്പം നായികമാരായി ദീപിക പതുക്കോൺ, മൃണാൾ താകൂർ എന്നിവരാണ് അഭിനയിച്ചുകൊണ്ടിരിക്കുന്നത്. ഈ ചിത്രത്തിൻ്റെ ചിത്രീകരണം ഹൈദരാബാദ്, മുംബൈ എന്നീയിടങ്ങളിൽ നടന്നുവരികയാണ്. ഈയിടെ ഈ ചിത്രത്തിൽ രമ്യാ കൃഷ്ണൻ, യോഗി ബാബു, എന്നിവരും ജോയിൻ ചെയ്തിരുന്നു. ഈ സാഹചര്യത്തിലാണ് ഈ ചിത്രത്തിൽ മറ്റൊരു താരവും ജോയിൻ ചെയ്യാനിരിക്കുന്നതായുള്ള വാർത്ത പുറത്തുവന്നിരിക്കുന്നത്. മലയാളത്തിൽ പുറത്തിറങ്ങി സൂപ്പർഹിറ്റായ 'മിന്നൽ മുരളി' എന്ന ചിത്രത്തിൽ അഭിനയിച്ച ഫെമിന ജോർജാണ് ആ താരം! ചിത്രത്തിൽ വരുന്ന ഒരു പ്രധാന കഥാപാത്രമാണത്രെ ഫെമിന ജോർജ് അവതരിപ്പിക്കുന്നത്.
തമിഴിലെ വമ്പൻ ബാനറുകളിലൊന്നായ 'സൺ പിക്ചേഴ്സ്' നിർമ്മിക്കുന്ന ഈ ചിത്രത്തിനെ സായ് അപയങ്കർ ആണ് സംഗീതം നൽകുന്നത്.
Photo Courtesy - Google
