ദോഹ: ഖത്തർ ഫാദർ അമീർ ഷെയ്ഖ് ഹമദ് ബിൻ ഖലീഫ അൽഥാനിയുടെ നിര്യാണത്തെ തുടർന്നുള്ള ദേശീയ ദുഃഖാചരണ വേളയിലും പൊതുജനങ്ങൾക്ക് അവശ്യ സേവനങ്ങൾ തടസ്സമില്ലാതെ ലഭ്യമാക്കുന്നതിനായി പൊതുജനാരോഗ്യ മന്ത്രാലയം (MoPH) വിവിധ വകുപ്പുകളുടെ പ്രവർത്തന സമയം പ്രഖ്യാപിച്ചു.മെഡിക്കൽ റിലേഷൻസ് ആൻഡ് ട്രീറ്റ്മെന്റ് അബ്രോഡ് വിഭാഗം (വിദേശചികിത്സാ വകുപ്പ്): ചൊവ്വാഴ്ചകളിലും വ്യാഴാഴ്ചകളിലും രാവിലെ 9:00 മണി മുതൽ ഉച്ചയ്ക്ക് 12:00 മണി വരെ പ്രവർത്തിക്കും.
നവജാത ശിശുക്കളുടെ രജിസ്ട്രേഷൻ ഓഫീസ് (വിമൻസ് വെൽനസ് ആൻഡ് റിസർച്ച് സെന്റർ - WWRC): ആഴ്ചയിൽ എല്ലാ ദിവസവും രാവിലെ 8:00 മണി മുതൽ ഉച്ചയ്ക്ക് 12:00 മണി വരെ തുറന്നുപ്രവർത്തിക്കും.
യൂണിഫൈഡ് ഹ്യൂമാനിറ്റേറിയൻ സർവീസസ് ഓഫീസ്: രണ്ട് ഷിഫ്റ്റുകളായാണ് ഇവിടെ സേവനം ലഭ്യമാകുക. രാവിലെ 8:00 മുതൽ ഉച്ചയ്ക്ക് 12:00 വരെയും, വൈകുന്നേരം 4:00 മുതൽ രാത്രി 7:00 വരെയുമായിരിക്കും പ്രവർത്തന സമയം.
ദേശീയ ദുഃഖാചരണ കാലയളവിലും പൊതുജനങ്ങൾക്ക് ആവശ്യമായ ഏറ്റവും പ്രധാനപ്പെട്ട ആരോഗ്യ സേവനങ്ങളുടെ തുടർച്ച ഉറപ്പാക്കാനാണ് ഈ ക്രമീകരണമെന്ന് മന്ത്രാലയം വ്യക്തമാക്കി.
