ദോഹ: ജീവൻ രക്ഷാമരുന്നുകളുടെ
വില 15 ശതമാനം മുതൽ 75 ശതമാനം വരെവില കുറച്ചതായി ഖത്തർ പൊതുജനാരോഗ്യ മന്ത്രാലയം (MoPH) അറിയിച്ചു. വിപണിയിലുള്ള 1,019 മരുന്നുകളുടെ വിലയാണ്
ആരോഗ്യ മന്ത്രാലയം കുറച്ചിരിക്കുന്നത്.ക്യാൻസർ,ഹൃദ്രോഗം,പ്രമേഹം രക്തസമ്മർദ്ദം, ആൻറി-ഇൻഫ്ലമേറ്ററി, വേദനാസംഹാരികൾ, ആന്റിബയോട്ടിക്കുകൾ, പ്രതിരോധശേഷി, അലർജി, മാനസികാരോഗ്യം, ആന്റിഡിപ്രസന്റുകൾ, മാനസിക രോഗം, ദഹനസംബന്ധം, ഭാരം കുറയ്ക്കൽ തുടങ്ങി വിവിധ ചികിത്സാ വിഭാഗങ്ങളിലെ മരുന്നുകൾക്കാണ്15 ശതമാനം മുതൽ 75 ശതമാനം വരെ വില കുറച്ചത്. മരുന്നുകളുടെ വില സ്ഥിരമായി നിരീക്ഷിക്കുന്നുണ്ടെന്നും പൊതുജനങ്ങൾ കൂടുതൽ ഉപയോഗിക്കുന്ന ചികിത്സാ വിഭാഗങ്ങളിലെ മരുന്നുകൾക്ക്‌ മുൻഗണന നൽകിയാണ് വിലക്കുറവ് നടപ്പാക്കിയതെന്ന്
ആരോഗ്യ മന്ത്രാലയം വ്യക്തമാക്കി.
മറ്റു ചികിത്സാ വിഭാഗങ്ങളിലെ മരുന്നുകൾക്കും വില കുറക്കുന്നത് വ്യാപിപ്പിക്കാനാണ് ശ്രമമെന്നും ഫാർമസി ആൻഡ് ഡ്രഗ് കൺട്രോൾ ഡിപ്പാർട്മെന്റ് ഡയറക്ടർ ഡോ. ഐഷ ഇബ്രാഹിം അൽ അൻസാരി പറഞ്ഞു.
