ന്യൂഡൽഹി: സംസ്ഥാന ഫിഷറീസ്-സാംസ്കാരിക- യുവജനകാര്യ വകുപ്പ് മന്ത്രി സജി ചെറിയാൻ കേന്ദ്ര ഫിഷറീസ് മന്ത്രി രാജീവ് രഞ്ജൻ സിംഗ്, ഫിഷറീസ് സഹമന്ത്രി ജോർജ്ജ് കുര്യൻ എന്നിവരുമായി കൂടിക്കാഴ്ച നടത്തി.
കേന്ദ്ര-കേരള സർക്കാരുകളും യൂറോപ്യൻ യൂണിയനും സംയുക്തമായി സംഘടിപ്പിക്കുന്ന കേരള-യൂറോപ്യൻ യൂണിയൻ(EU) ബ്ലൂ എക്കണോമി കോൺക്ലേവ് 2025 - “ബ്ലൂ ടൈഡ്സ്"ലേക്ക് കേന്ദ്രമന്ത്രിമാരെ ക്ഷണിക്കുന്നതിനായിരുന്നു കൂടിക്കാഴ്ച. ബ്ലൂ എക്കണോമി കോൺക്ലേവ് 2025 - “ബ്ലൂ ടൈഡ്സിൻ്റെ ഏകോപനവും സംഘാടനവും സംസ്ഥാന ഫിഷറീസ് വകുപ്പാണ്.
സെപ്റ്റംബർ 18-19 തീയതികളിൽ തിരുവനന്തപുരം കോവളത്തുള്ള ദി ലീല റാവിസിൽ നടക്കുന്ന പരിപാടിയിൽ കേന്ദ്രമന്ത്രിമാരായ രാജീവ് രഞ്ജൻ സിംഗ്, ജോർജ്ജ് കുര്യൻ എന്നിവർ നേരിട്ട് പങ്കെടുക്കുമെന്ന് സംസ്ഥാന ഫിഷറീസ് മന്ത്രി സജി ചെറിയാൻ പറഞ്ഞു.കൂടിക്കാഴ്ചയിൽ സംസ്ഥാന സർക്കാറിൻ്റെ ഡൽഹിയിലെ പ്രത്യേക പ്രതിനിധി പ്രൊഫ. കെ.വി തോമസ് , അഡീഷണൽ റസിഡൻ്റ് കമ്മീഷണർ അശ്വതി ശ്രീനിവാസ് എന്നിവർ പങ്കെടുത്തു.
Photo Courtesy - Google
