ദോഹ ∙ വാണിജ്യ, വ്യവസായ മന്ത്രി ശൈഖ് ഫൈസൽ ബിൻ തലാൽ ബിൻ ഫൈസൽ അൽതാനി ഓൾഡ് പോർട്ടിൽ നടക്കുന്ന ഖത്തർ ബോട്ട് ഷോ സന്ദർശിച്ചു.
മന്ത്രിയും സംഘവും വിവിധ പ്രദർശന സ്റ്റാളുകൾ സന്ദർശിച്ച്, ദേശിയവും അന്തർദേശീയവുമായ കമ്പനികൾ അവതരിപ്പിച്ച പുതിയ ബോട്ടുകളും ആഡംബര യാച്ചുകളും അവലോകനം ചെയ്തു. ബോട്ട് നിർമ്മാണ മേഖലയിലെ പുതുമകളും ഉയർന്നുവരുന്ന പ്രവണതകളുമെല്ലാം
ചോദിച്ചറിഞ്ഞു.
മികച്ച രീതിയിൽ സംഘടിപ്പിച്ച പരിപാടിക്കും മികച്ച പങ്കാളിത്തത്തിനും മന്ത്രി അഭിനന്ദനം അറിയിച്ചു. ഇത്തരം പ്രദർശനങ്ങൾ ഖത്തറിന്റെ പ്രാദേശികവും ആഗോളവുമായ പ്രതാപം ഉയർത്തിക്കാട്ടുന്നതാണെന്നും അദ്ദേഹം പറഞ്ഞു.
നിക്ഷേപകരുടെ വിശ്വാസം ഖത്തറിന്റെ ബിസിനസ് അന്തരീക്ഷത്തോടുള്ള ആത്മവിശ്വാസത്തിന്റെ തെളിവാണെന്നും, വ്യവസായ മേഖലം രാജ്യത്തിന്റെ സാമ്പത്തിക വൈവിധ്യവൽക്കരണ ലക്ഷ്യങ്ങൾ നേടുന്നതിൽ നിർണായക പങ്ക് വഹിക്കുന്നതാണെന്നും മന്ത്രി കൂട്ടിച്ചേർത്തു.
