കേരളത്തിന്റെ കല, സാഹിത്യം,സംസ്കാരം, കായിക തുടങ്ങിയ മേഖലകളിൽ കുട്ടികൾക്ക് കൂടുതൽ അറിവും അഭിമാനവും വളർത്തുകയെന്ന ലക്ഷ്യമുയർത്തി പ്രവർത്തിക്കുന്ന
ഖത്തറിലെ പ്രവാസി മലയാളി
കുട്ടികളുടെ സൗഹൃദകൂട്ടായ്മയായ മില്ലെനിയം കിഡ്‌സ് പ്രവർത്തന പാഥേയത്തിൻ്റെ കാൽ നൂറ്റാണ്ട് പിന്നീടിന്നു.
25മത് വാർഷികആഘോഷങ്ങളുടെഭാഗമായി മില്ലെനിയം കിഡ്‌സ്ൻ്റെ അഭിമുഖ്യത്തിൽ മെഗാ ക്വിസ് മത്സരം സംഘടിപ്പിക്കുമെന്ന് സംഘാടകർ ദോഹയിൽ നടത്തിയ വാർത്ത സമ്മേളനത്തിൽ
അറിയിച്ചു.
കേരളം നമ്മുടെ കേരളം എന്ന വിഷയാസ്പദമാക്കി നടത്തപ്പെടുന്ന മെഗാ ക്വിസ് മത്സരത്തിൽ
ഖത്തറിലെ വിവിധ പ്രവിശ്യകളിലെ സ്‌കൂളുകളിൽ നിന്നായി 459 ടീമുകളിലായി 900 ത്തിൽ പരം കുട്ടികൾ
പങ്കെടുക്കും .
നവംബർ 20, 21 തീയ്യതികളിൽ തുമാമ ഒലിവ് ഇന്റർനാഷണൽ സ്കൂളിൽ ആകും മത്സരങ്ങൾക്ക് വേദിയാകുക.
പ്രവാസി ജീവിതത്തിൽ മലയാളനാടിന്റെ മഹിമയും പൈതൃകവും പുതുതലമുറകൾക്ക് പകരുക എന്ന ലക്ഷ്യവുമായി തുടർന്നും നിരവധി പരിപാടികൾ സംഘടിപ്പിക്കുമെന്ന് ഭാരവാഹികൾ അറിയിച്ചു .
ഇരുപത്തിയഞ്ചാം വാർഷിക ആഘോഷങ്ങളുടെ ഭാഗമായി ഡിസംബർ 5-ന് വിപുലമായ ആഘോഷ പരിപാടികൾ സംഘടിപ്പിക്കും .ഇന്ത്യൻ കൾച്ചറൽ സെന്റർ അശോക ഹാളിൽ നടക്കുന്ന ആഘോഷ പരിപാടിയിൽ മത്സര വിജയികൾക്കുള്ള സമ്മാനങ്ങള് കൈമാറും .
വാർത്ത സമ്മേളനത്തിൽ
മിലേനിയം കിഡ്‌സ് ട്രഷറർ റിനോയ് ഭുവനരാജ് ,ഇവന്റ് ഹെഡ് ഹരീഷ് സന്തോഷ് ,സെക്രെട്ടറി പല്ലവി സുധാകരൻ ,കോ ഓഡിനേറ്റർ രതീഷ് പാറ പ്പുറത്തു ,സെഷൻസ് കോ ഓഡിനേറ്റർ ജിസ് ഹിത ജയകൃഷ്ണൻ
ക്വിസ് കോ ഓഡിനേറ്റർ ഉണ്ണികൃഷ്ണൻ ചടയമംഗലം എന്നിവർ പങ്കെടുത്തു
