ദോഹ: ഇന്ത്യൻ എംബസി ഖത്തർ സംഘടിപ്പിച്ച ലോക ഹിന്ദി ദിനാഘോഷങ്ങളിൽ എം.ഇ.എസ്. ഇന്ത്യൻ സ്കൂളിലെ വിദ്യാർത്ഥികൾ ശ്രദ്ധേയമായ പ്രകടനം കാഴ്ചവെച്ചു. ജനുവരി 10 ശനിയാഴ്ച ദോഹയിലെ ഡി.പി.എസ്–മോഡേൺ ഇന്ത്യൻ സ്കൂളിൽ നടന്ന പരിപാടിയിൽ വിവിധ ഭാഷാ സമൂഹങ്ങളെ പ്രതിനിധീകരിച്ച എം.ഇ.എസ്. വിദ്യാർത്ഥികൾ സജീവമായി പങ്കെടുത്തു.
ഹിന്ദി ഭാഷയുടെ സമൃദ്ധിയും ആഗോള പ്രാധാന്യവും ആവിഷ്കരിക്കുന്ന വിവിധ അവതരണങ്ങളിലൂടെയാണ് വിദ്യാർത്ഥികൾ ശ്രദ്ധ നേടിയത്. ആത്മവിശ്വാസവും സാംസ്കാരിക ബോധവും ഭാഷാപരമായ കഴിവും പ്രകടമാക്കിയ വിദ്യാർത്ഥികൾ, ഹിന്ദിയെ ഒരു ആഗോള ഭാഷയായി പ്രോത്സാഹിപ്പിക്കുന്നതിനായി ഇന്ത്യൻ എംബസി സംഘടിപ്പിച്ച പ്രവർത്തനങ്ങളിൽ സജീവ സാന്നിധ്യമായി.
ആഘോഷങ്ങളുടെ ഭാഗമായി നടന്ന അനുമോദനച്ചടങ്ങിൽ ഹിന്ദി ഭാഷയുടെ പ്രചാരണത്തിന് നൽകിയ വിലപ്പെട്ട സംഭാവനകൾ പരിഗണിച്ച് ഹിന്ദി വിഭാഗം കോർഡിനേറ്റർ രാജേന്ദ്രൻ എസ്., അധ്യാപിക ബിജിമോൾ എന്നിവരെഇന്ത്യൻ അംബാസഡർ വിപുൽ
ഷാൾ അണിയിച്ച് ആദരിച്ചു. വിദ്യാർത്ഥികളിൽ ഭാഷാപ്രേമവും സാംസ്കാരിക ബോധവും വളർത്തുന്നതിൽ ഇവർ നൽകിയ നേതൃത്വത്തെ അംബാസിഡർ പ്രശംസിച്ചു.പരിപാടിക്കായി ഹിന്ദി വിഭാഗം കോർഡിനേറ്റർ രാജേന്ദ്രൻ എസ്. രചിച്ച ഹിന്ദി ഗാനംഭാഷയുടെ സാംസ്കാരിക സമ്പത്തും സാഹിത്യ ഗൗരവവും ആസ്വാദ്യമായി ആവിഷ്കരിച്ചു. ഹിന്ദി വിഭാഗം അധ്യാപിക ബിജിമോളാണ് എഡിറ്റ് ചെയ്ത് ദൃശ്യവൽക്കരിച്ചത്.
കലാപരമായ പ്രകടനത്തിനും സാംസ്കാരിക ഏകീകരണത്തിനും ഭാഷാ സൗഹാർദ്ദത്തിനും വേദിയായ ലോക ഹിന്ദി ദിനാഘോഷത്തിന്റെ ഏകോപനം നിർവ്വഹിച്ചത്
സമീർ പാണ്ഡേയാണ്.
