കൊച്ചി: ലയൺഹാർട്ട് പ്രാഡക്ഷൻസി ന്റെ ബാനറിൽ ജോയ്സി പോൾ ജോയ് നിർമിക്കുന്ന മറാത്തി ചിത്രം 'തു മാത്സാ കിനാരാ'. തിയേറ്ററിലേക്ക്. മൂന്ന് പതിറ്റാണ്ടിലേറെയായി ചലച്ചിത്ര രംഗത്തും കലാരംഗത്തും സജീവമായി തുടരുന്ന ക്രിസ്റ്റസ് സ്റ്റീഫനാണ് ചിത്രം സംവിധാനം ചെയ്യുന്നത്. മുംബൈയിലും കേരളത്തിലുമായി ചിത്രീകരണം പൂര്ത്തിയായ സിനിമയുടെ ഫസ്റ്റ് ലുക്ക് പോസ്റ്റര് കഴിഞ്ഞ ദിവസം റിലീസ് ചെയ്തു. പ്രവാസിയും മുംബൈ മലയാളിയുമായ ജോയ്സി പോള് ജോയ് മുംബൈയിലെ സാംസ്ക്കാരിക സാമൂഹ്യ കലാരംഗത്തേയും ജീവകാരുണ്യമേഖലയിലെയും സജീവ പ്രവര്ത്തകയാണ് സഹനിര്മ്മാതാക്കളായ ജേക്കബ് സേവ്യര്, സിബി ജോസഫ് എന്നിവരും മുംബൈയിലെ മലയാളികള്ക്കിടയിലെ സുപരിചിതരും സാംസ്ക്കാരിക സംഘടനകളിലെ പ്രവര്ത്തകരുമാണ്. ജീവിതത്തിന്റെ ആകസ്മികതകളെ ഏറെ ചാരുതയോടെ ദൃശ്യവല്ക്കരിക്കുന്ന സിനിമയാണ് 'തു മാത്സാ കിനാരാ'.യെന്ന് സംവിധായകന് ക്രിസ്റ്റസ് സ്റ്റീഫന് പറഞ്ഞു. അച്ഛന്റേയും മകളുടെയും ജീവിത യാത്രയാണ് ചിത്രം പറയുന്നത്. മനുഷ്യബന്ധങ്ങളുടെ വൈകാരിക മുഹൂര്ത്തങ്ങളിലൂടെ കടന്നു പോകുന്ന "തു മാത്സാ കിനാരാ" ഒരു ഫീച്ചര് സിനിമയാണ്. കുടുംബ പ്രേക്ഷകരെയടക്കം എല്ലാവരെയും പ്രചോദിപ്പിക്കുന്നതാണ് ഈ സിനിമയെന്നും സംവിധായകൻ
വ്യക്തമാക്കി.
ഇന്ത്യന് നാവിക സേന സിംഫണി ബാന്റില് വയലിന് കലാകാരനായി സേവനമനുഷ്ഠിച്ച ക്രിസ്റ്റസ് സ്റ്റീഫന് ചെറുപ്പകാലം മുതല് കലാരംഗത്ത് സജീവമാണ്. അന്താരാഷ്ട്ര മിലിട്ടറി മ്യൂസിക്ക് ഫെസ്റ്റുവെല്ലുകളിലടക്കം പല വേദികളിലും അദ്ദേഹം പങ്കെടുത്തിട്ടുണ്ട്.നിരവധി പരസ്യ ചിത്രങ്ങളും സഹ സംവിധാനം ചെയ്തു. കൂടാതെ മലയാളത്തിലെ പ്രമുഖ സംവിധായകര്ക്കൊപ്പം പ്രവര്ത്തിച്ചിട്ടുമുണ്ട്.
എൽദോ ഐസ ക്കാണ് ഈ ചിത്രത്തിലെ ക്യാമറ കൈകാര്യം ചെയ്യുന്നത് ഭൂഷന് പ്രധാന്, കേതകി നാരായണന്, കേയ ഇന്ഗ്ലെ, പ്രണവ് റാവൊറാണെ, അരുൺ നലവടെ ,ജയരാജ് നായർ തുടങ്ങിയവരാണ് അഭിനേതാക്കൾ. ഉടൻ തന്നെ ചിത്രം തിയേറ്ററുകളിൽ എത്തുമെന്ന് അണിയറ പ്രവർത്തകർ അറിയിച്ചു.
പി.ആർ. സുമേരനാണ് ചിത്രത്തിൻ്റെ പി.ആർ.ഒ.
Photo Courtesy - Google
