യുദ്ധത്തിന് വഴിതുറക്കുന്നതായി റിപ്പോര്ട്ട്
താഴികക്കുടത്തില് ചുവപ്പുകൊടി ഉയര്ന്നു
ചരിത്രത്തിലാദ്യമായി ഇറാനിലെ ക്യോം ജാംകരന് മോസ്കിലെ താഴികക്കുടത്തില് ചുവപ്പു കൊടി ഉയര്ന്നു. ഇറാനിയന് പാരമ്പര്യമനുസരിച്ച് യുദ്ധം വരുന്നതിന്റെ സൂചനയാണിതെന്നാണ് ഇറാനില് നിന്നുള്ള വാര്ത്തകള് സൂചിപ്പിക്കുന്നു
ഇറാന് യുഎസ് യുദ്ധത്തിന് വീണ്ടും കാളഹമൊരുങ്ങുന്നതായി റിപ്പോര്ട്ട്. പശ്ചിമേഷ്യയിലെ സാഹചര്യം കണക്കിലെടുത്ത് ജാഗ്രത പാലിക്കാന് ഇന്ത്യയിലെ അമേരിക്കന് പൗരന്മാര്ക്ക് അമേരിക്ക് മുന്നറിയിപ്പ് നല്കി. പ്രതിഷേധ സ്ഥലങ്ങളില് നിന്ന് ഒഴിഞ്ഞ് നില്ക്കാനാണ് നിര്ദ്ദേശം നല്കിയിരിക്കുന്നത്. അമേരിക്കന് എംബസിയും കോണ്സുലേറ്റുമാണ് നിര്ദ്ദേശം നല്കിയിരിക്കുന്നത്. അമേരിക്കയെ ആക്രമിച്ചാല് ഇറാനിലെ പ്രധാനപ്പെട്ട 52 കേന്ദ്രങ്ങളെ ആക്രമിക്കുമെന്നായിരുന്നു ട്രംപിന്റെ ഭീഷണി. അതേസമയം ഇറാനി ജനറല് കാസ്സിം സൊലേമാനിയെ അമേരിക്ക ഡ്രോണ് ആക്രമണത്തില് കൊലപ്പെടുത്തിയതിന് പിന്നാലെ യുഎസിന് തിരിച്ചടി നല്കും എന്ന് ഇറാന് വ്യക്തമാക്കിയിരുന്നു. ഇപ്പോള് അതിന് വ്യക്തമായ സൂചനകള് നല്കുന്ന ദൃശ്യങ്ങളാണ് പുറത്തുവരുന്നത്. ചരിത്രത്തിലാദ്യമായി ഇറാനിലെ ക്യോം ജാംകരന് മോസ്കിലെ താഴികക്കുടത്തില് ചുവപ്പു കൊടി ഉയര്ന്നു. ഇറാനിയന് പാരമ്പര്യമനുസരിച്ച് യുദ്ധം വരുന്നതിന്റെ സൂചനയാണിതെന്നാണ് ഇറാനില് നിന്നുള്ള വാര്ത്തകള് സൂചിപ്പിക്കുന്നു. എഴുത്തുകാരനും അറബ് മാധ്യമ പ്രവര്ത്തകനുമായ ഹസന് ഹസന് ഇത് വലിയ യുദ്ധത്തിന്റെ സൂചനയാണ് എന്ന് ദൃശ്യങ്ങള് അടക്കം ട്വീറ്റ് ചെയ്തു.
Photo Courtesy - Google
