കൊച്ചി നഗരസഭയുടെയും സംസ്ഥാന ശിശു വികസന വകുപ്പിന്റെയും കീഴിൽ ചമ്പക്കരയിൽ പ്രവർത്തിച്ച് വരുന്ന ഗവൺമെന്റ് മഹിളാ മന്ദിരത്തിലെ അന്തേവാസിയായ കുമാരി പ്രിയാ മോൾ രവി നാളെ വിവാഹിതയാവുന്നു. എറണാകുളം തൃപ്പൂണിത്തുറ സ്വദേശിനി രുഗ്മിണിയുടെ മകൻ രഞ്ജിത്താണ് വരൻ. ജൂലൈ 9 വ്യാഴാഴ്ച രാവിലെ 9. 30 നും 10 നും ഇടയിൽ ചമ്പക്കര ശ്രീവൈഷ്ണവ ഗന്ധർവ്വസ്വാമി ക്ഷേത്രത്തിൽ വച്ചാണ് വിവാഹം. കുമാരി പ്രിയ മോൾ രവി ചമ്പക്കരയിലെ മഹിളാമന്ദിരത്തിൽ കഴിഞ്ഞ 6 വർഷമായി താമസിച്ചു വരുന്നു. മാതാപിതാക്കളാൽ ഉപേക്ഷിക്കപ്പെട്ട് ആലുവ ജനസേവ ശിശു ഭവനത്തിൽ 5 വയസ്സ് മുതൽ താമസിച്ചുവന്നിരുന്ന പ്രിയ ചമ്പക്കരയിലെ മഹിളാ മന്ദിരത്തിൽ 2019 ലാണ് എത്തിയത്. കൊച്ചി നഗരസഭ മുൻകയ്യെടുത്താണ് പ്രിയയുടെ വിവാഹ സൽക്കാര ചടങ്ങുകൾ സംഘടിപ്പിച്ചിരിക്കുന്നത്. എം എൽ എ മാരായ ടി.ജെ. വിനോദ്, ഉമതോമസ്, മുഹമ്മദ്‌ ഷിയാസ് , ദീപക് ജോയ്, നഗരസഭ സ്റ്റാൻഡിങ് കമ്മിറ്റി ചെയർമാൻമാർ, കൗൺസിലർമാർ, നഗരസഭ സെക്രട്ടറി, രാഷ്ട്രീയ സാംസ്കാരിക രംഗത്തെ വിശിഷ്ട വ്യക്തികൾ ഉൾപ്പെടെയുള്ളവരെ ഈ ചടങ്ങിലേക്ക് ക്ഷണിച്ചിട്ടുണ്ടെന്നും കൊച്ചി മേയർ അഡ്വ മിനി മോൾ വി. കെ, യും നഗരസഭ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ആന്റണി പൈനുതറയും അറിയിച്ചു.
Photo Courtesy - Google
