ദോഹ: അന്തരിച്ച മുൻ അമീർ 'ഫാദർ അമീർ' ഷെയ്ഖ് ഹമദ് ബിൻ ഖലീഫ അൽഥാനിയുടെ നിര്യാണത്തിൽ അനുശോചനം രേഖപ്പെടുത്താൻ ലെബനൻ പ്രസിഡന്റ് ജനറൽ ജോസഫ് ഔൺ ദോഹയിലെത്തി.ഇന്ന് രാവിലെയാണ് അദ്ദേഹം ഖത്തറിൽ എത്തിയത്.
ഹമദ് അന്താരാഷ്ട്ര വിമാനത്താവളത്തിൽ എത്തിയ ലെബനീസ് പ്രസിഡന്റിനെയും അദ്ദേഹത്തോടൊപ്പമുള്ള ഉന്നതതല പ്രതിനിധി സംഘത്തെയും ഖത്തർ ഗതാഗത മന്ത്രി ഷെയ്ഖ് മുഹമ്മദ് ബിൻ അബ്ദുള്ള ബിൻ മുഹമ്മദ് അൽഥാനി, ഖത്തറിലെ ലെബനൻ അംബാസഡർ ബിലാൽ കബലാൻ എന്നിവർ ചേർന്ന് സ്വീകരിച്ചു.
ഔദ്യോഗിക ദുഃഖാചരണം നടക്കുന്ന ലുസൈൽ കൊട്ടാരത്തിൽ വെച്ച് ലെബനൻ പ്രസിഡന്റ്, ഖത്തർ അമീർ ഷെയ്ഖ് തമീം ബിൻ ഹമദ് അൽഥാനിയെയും മറ്റ് രാജകുടുംബാംഗങ്ങളെയും നേരിട്ട് കണ്ട് തന്റെയും ലെബനൻ ജനതയുടെയും അഗാധമായ ദുഃഖവും അനുശോചനവും അറിയിക്കും. ഫാദർ അമീറിന്റെ വിയോഗത്തിൽ അനുശോചനം അറിയിക്കാൻ വിവിധ അറബ്-അന്തർദ്ദേശീയ നേതാക്കൾ ദോഹയിലേക്ക് എത്തിക്കൊണ്ടിരിക്കുകയാണ്.
