ദോഹ: കോഴിക്കോട് ജില്ല പ്രവാസി അസോസിയേഷൻ ഖത്തർ (KPAQ) സംഘടിപ്പിച്ച KPAQ Qatar Open Carrom Tournament 2026 ഇന്നലെ നുഐജയിലെ ലാസ ഹാളിൽ ആവേശകരമായി സമാപിച്ചു. ഉച്ചയ്ക്ക് 2 മണി മുതൽ ആരംഭിച്ച ടൂർണമെന്റിൽ ഖത്തറിന്റെ വിവിധ ഭാഗങ്ങളിൽ നിന്നായി നിരവധി ടീമുകൾ പങ്കെടുത്തു.
ഡബിൾസ് (Out Thumbing) വിഭാഗത്തിൽ നടന്ന മത്സരങ്ങൾ ആവേശകരമായ പോരാട്ടങ്ങൾക്ക് സാക്ഷ്യം വഹിച്ചു. മത്സരത്തിൽ മികച്ച പ്രകടനം കാഴ്ചവെച്ച് അബ്ദുൽ സലാം യു.പി – ഇബ്രാഹിം സഖ്യം ചാമ്പ്യന്മാരായി. റാഷിദ് ഖാൻ – ഓംകാർ രണ്ടാം സ്ഥാനവും, അഹമ്മദ് മുല്ല – യാക്കൂബ് മൂന്നാം സ്ഥാനവും, ഇസ്മായിൽ – ഹാദി നാലാം സ്ഥാനവും കരസ്ഥമാക്കി.
കാലിക്കറ്റ് റഹ്മത്ത് സ്പോൺസർ ചെയ്ത ക്യാഷ് പ്രൈസുകളും ട്രോഫികളും, കെ.പി.എ.ക്യു പ്രസിഡന്റ് ഷമീർ, ജനറൽ സെക്രട്ടറി ഗഫൂർ കോഴിക്കോട്, ടൂർണമെന്റ് കൺവീനർ അബ്ദുൽ റഹീം എന്നിവർ വിജയികൾക്ക് വിതരണം ചെയ്തു. സ്‌ക്വയർ യാർഡ്സ് , മാർക്ക് , ലാസ ഇവെന്റ്സ് എന്നിവരായിരുന്നു മറ്റു സ്പോന്സര്മാര് .
കാരം പ്രേമികളുടെയും കായികാസ്വാദകരുടെയും മികച്ച പങ്കാളിത്തം ടൂർണമെന്റിനെ ശ്രദ്ധേയമാക്കി. കായികമത്സരങ്ങളിലൂടെ സൗഹൃദവും കൂട്ടായ്മയും ശക്തിപ്പെടുത്തുക എന്ന ലക്ഷ്യത്തോടെ കെ.പി.എ.ക്യു സംഘടിപ്പിച്ച ടൂർണമെന്റ് മികച്ച സംഘാടനവും മത്സര നിലവാരവും കൊണ്ട് ശ്രദ്ധേയമായി. കെ.പി.എ.ക്യു ഭാരവാഹികളും അംഗങ്ങളും മത്സരാർത്ഥികളും ചടങ്ങിൽ പങ്കെടുത്തു.
