കൊയിലാണ്ടി :ഖത്തറിൽ കെഎംസിസി സംഘടന രംഗത്ത് നേതൃ നിരയിൽ പ്രവർത്തിച്ചു പ്രവാസം അവസാനിപ്പിച്ചു നാട്ടിൽ സ്ഥിരതാമസമാക്കിയ കോഴിക്കോട് ജില്ലയിൽ നിന്നുള്ള മുൻകാല കെഎംസിസി നേതാക്കളുടെ പുനഃസമാഗമം കെഎംസിസി ഓർമ്മചെപ്പ് നാളെ ചൊവ്വാഴ്ച കാലത്ത് 9.30 മുതൽ വൈകുന്നേരം 4.30 വരെ ദേശീയ പാതയിലെ മിനി സിവിൽ സ്റ്റേഷൻ സമീപത്തുള്ള തക്കാര റസിഡൻസിയിൽ വെച്ച് നടക്കും. മുസ്ലിം ലീഗ് സംസ്ഥാന സെക്രട്ടറിയും ഖത്തർ കെഎംസിസി മുൻ ജനറൽ സെക്രട്ടറിയുമായ പാറക്കൽ അബ്ദുള്ള പരിപാടി ഉൽഘാടനം ചെയ്യും. മുസ്ലിം ലീഗ് കോഴിക്കോട് ജില്ല ജനറൽ സെക്രട്ടറി ടി. ടി ഇസ്മായിൽ വിശിഷ്ട്ടതിഥി ആകും കോഴിക്കോട് ജില്ലാ യൂത്ത് ലീഗ് പ്രസിഡന്റ് മിസ്ഹബ് കീഴരിയൂർ മുഖ്യ പ്രഭാഷണം നടത്തും പ്രവാസി ലീഗ് സംസ്ഥാന ജനറൽ സെക്രട്ടറി ഇമ്പിച്ചി മമ്മു ഹാജി, ഖത്തർ കെഎംസിസി സ്ഥാപക പ്രസിഡന്റ് പി. കെ അബ്ദുള്ള, കൊയിലാണ്ടി നിയോജക മണ്ഡലം മുസ്ലിം ലീഗ് പ്രസിഡന്റ് വി. പി ഇബ്രാഹിം കുട്ടി, കൊയിലാണ്ടി മുനിസിപ്പൽ മുസ്ലിം ലീഗ് ജനറൽ സെക്രട്ടറി എ. അസീസ് മാസ്റ്റർ എന്നിവർ സംബന്തിക്കും ബോധനം, ഹരിത സഭ, ഖത്തർ കിസ, പ്രവാസി ക്ഷേമ പദ്ധതി കൾ എന്നിവ ഉൾപ്പെട്ട സെഷനുകൾ 6 മണിക്കൂർ നീണ്ടു നിൽക്കുന്ന പരിപാടിയിൽ നടക്കുമെന്ന് കോർഡിനേറ്റർ മാരായ സി. പി സദ,ക്കത്തുള്ള, മമ്മൂട്ടി പുളിയത്തുങ്കൽ സി. പി ഷാനവാസ്, ഒ. എ കരീം എന്നിവർ അറിയിച്ചു.
